Mətbuat-Monitorinq 29.12.15

Rəsmi qəzetlər dövlət başçısı İlham Əliyevin Bakıda “Baytarlıq şəhərciyi”nin açılışında iştirak etməsini ilk səhifələrdə yerləşdiriblər.

“Azərbaycan” qəzeti dövlət başçısının əfv sərəncamı ilə həbsdən azad olan şəxslərin siyahısını, dövlət başçısının köməkçisi Əli Həsənovun 2015-ci ilin nəticələrinə dair müsahibəsini səhifələrində dərc edib. 

“Azadlıq” qəzeti Gömrük Komitəsində də həhbslərin gözlənildiyini yazaraq “bu qurumu da MTN-in taleyi gözləyir” qənaətini bildirir.

Meydan TV- nin baş direktoru Emin Millinin qaynı, narkotik maddə ilə şərlənərək həbsə alınan Nazim Ağabəyovun məhkəməsi başlayıb, N.Ağabəyov ittihamın yalan olduğunu deyir.

Dövlət başçısının imzaladığı əfv sərəncamı ilə bir nəfər siyasi məhbusun belə azad olunmamasına qəzet “İlham Əliyevdən “analoqsuz əfv” şərhini verir.

Milli Şuranın sədri, tarixçi Cəmil Həsənli ədalətsiz məhkəmə hökmlərinin ölkədə 100-dən çox siyasi məhbusun yaranmasına səbəb olmasını “Azərbaycanda vicdanlı adamlara qarşı saxta hökmlərin dünyanı heyrətə salması” kimi dəyərləndirir.

Ekspertlər ölkədə 21 dekabr devalvasiyasından sonra yaranan iqtisadi durumu təhlil edərək hazırda orta aylıq əməkhaqqına görə Azərbaycanın Ermənistandan da geri qaldığını bəyan edirlər.`   

“Ekspress”  dövlət başçısının sərəncamı ilə 210 nəfərin əfv olunmasını “böyük bayram əfvi” kimi dəyərləndirir.

2015-ci ilin nəticələrini təhlil edən dövlət başçısının köməkçisi Əli Həsənova görə, ölkə özünü qlobal “təsirlər”dən qoruyub, “uğurlu inkişafı”nı davam etdirib.

“Exo”  devalvasiya ilə bağlı ölkədəki bahalaşmanı önə çəkərək keçən illə müqayisədə bu il bir kiloqram salatın hazırlanmasının 40-60%, baha yəni, 13-14 manata başa gələcəyini göstərir.  

“Bizim yol” dövlət başçısının sərəncamı ilə 210 nəfər məhbusunun azad olunduğunu, amma bu siyahıda siyasi məhbusların adının olmadığını ilk səhifəyə yerləşdirib.

QHT rəhbəri Əliməmməd Nuriyev adları İşçi Qrupun siyahısında olan siyasi məhbusların azadlığa çıxmamasının “beynəlxalq hay-küylə bağlı olması” barədə bəyanat səsləndirib.       

Ekspertlər gələn il üçün ölkənin əsas problemləri kimi işsizlik və inflyasiyanı göstərirlər. Ekspertlər manatın belə tez müddətdə dəyərdən düşməsinə səbəb kimi neftin qiymətinin düşməsini yox, ölkədə tüğyan edən korrupsiya və rüşvəti göstərirlər.

“Yeni Müsavat”  devalvasiyadan sonra yaranan narazılığın hökumətin içinə sıçrayacağını yazaraq buna görə maliyyə naziri Samir Şərifovun günahkar çıxarılacağını bildirir.  

Dövlət başçısının imzaladığı əfv sərəncamının bir siyasi məhbusa belə şamil olunmamasını ekspertlər “siyasi keyfiyyəti sıfır olan sənəd” kimi dəyərləndiriblər.

Ekspertlərə görə, 21 dekabr devalvasyasının yaratdığı durum ölkə əhalisinin 80%-dən çoxunu protest elektoratının sıralarına daxil edir, bəzi partiya sədrləri isə bütünlükdə 2015-ci ili ölkə üçün “fəlakət ili” kimi qiymətləndiriblər.

Ekspertlər problemli kreditlərin bankların çoxunu müflis edəcəyi, əmanətlərin batacağı barədə xəbərdarlıq edirlər.

Rəy yaz

Cəmiyyət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti