Mətbuat-Monitorinq 30-31.03.14

Rəsmi qəzetlər 1918-ci lin martında azərbaycanlılara qarşı erməni-rus hərbi birliklərinin törətdikləri soyqırım barədə məqalələr dərc ediblər.

“Azadlıq” qəzeti Türkiyədəki yerli seçkilərdə hakim AKP-nin qalib gəlməsi xəbərini manjetə çıxarıb.

Qəzetin iddiasına görə, rəsmi Bakı baş nazirin keçmiş müavini Abbas Abbasovun Türkiyədəki biznesinə “əl qoyub” və bu biznes nazir Kəmaləddin Heydərovun nəzarətinə keçib.

Yerli ekspertlər Rusiyanın Dağıstandakı hərbi təlimlərini “Azərbaycana xəbərdarlıq” kimi dəyərləndirirlər.

Deputat Vahid Əhmədov ölkə bankları əmanətləri 10%  qəbul etmələrinə baxmayaraq, xalqa 30% -lə kredit verməkdə ittham edib.

Rəsmi Kremlin Ukraynanın federalaşması təklifinə Kiyevdən “ultimativ şərtlər diktə etməkdənsə, özünüzü qaydaya salın” cavabı verilib.

“Yeni Müsavat”  rəsmi Kremlə qarşı Azərbaycanın daxili və xaricindəki bəzi nüfuzlu oliqarxların lobbiçiliyi ilə “Bakıda idarə olunan xaos yaratmaq ssenarisi” ittihamını ilk səhifəyə çıxarıb.

Politoloq Eldar Namazovun rəhbəri olduğu “EL” Hərəkatı qurultaya hazırlaşır, bununla bağlı qurumun bütün sturkturlarının fəaliyyətinə xutam verilib.

Qəzet Azərbaycan manatının Avstriyada rüşvət müqabilində çapı ilə bağlı məhkəmə prosesinin Mərkəzi Bankın rəhbəri Elman Rüstəmovun karyerasına son qoyacağını, onu bu vəzifədə Cahangir Hacıyevin əvəzləyəcəyini    yazır.

ARDNŞ-nin yaratdığı “report.az” saytının fəaliyyətinə toxunan qəzet burada müxbirə 1500, xüsusi müxbirə 2500, redaktora 3 min, şöbə müdirinə 4-5 min manatın verilməsinin nəzərdə tutulduğunu qeyd edir.