Mətbuat-Monitorinq 30.04.13

 

Rəsmi və hökumətyönlü qəzetlər dövlət başçısı İlham Əliyevin 2015-ci ilıdə Bakıda keçirilməsi nəzərdə tutulan Avropa Oyunları Koordinasiya Komitəsi üzvlərini qəbul etməsini baş səhifəyə çıxarıblar. 

Bundan əlavə, bu qəzetlərdə mərhum dövlət başçısı Heydər Əliyevin 90 illik yubileyilə bağlı çoxsaylı məqalələr dərc edilib.  

 

“Azadlıq” qəzeti tanınmış ziyalı Rüstəm İbrahimbəyovun “vəziyyət belə davam etsə, hər şey xaos və inqilabla qurtaracaq, bu hökumət dağılacaq” bəyanatını manjetə çıxarıb.

Fransanın “Le Monde” qəzeti bu ölkənin prezidenti Fransua Ollanda “diktatotrla görüşməmək” vədini xatırladıb və İlham Əliyevlə görüşdüyü üçün kəskin tənqidə məruz qoyub. 

Müdafiə Nazirliyi “Azadlıq” qəzetinə qarşı iddia qaldırıb, təkzib və 100 min manat cərimə tələb edir. 

Hüquqşünas İntiqam Əliyev iqtidarın bundan sonra da hakimiyyətdə qalmaq cəhdlərini “əbədi hakimiyyət-pis idarəçilik, deqradasiyaya uğramış cəmiyyət deməkdir” kimi dəyərləndirib. 

Rəsmi Tehranla PA rəhbəri Ramiz Mehdiyev arasında aparılan danışıqlarda otağa Azərbaycan bayrağı qoyulmayıb. 

Ekspertlər Almaniya-Azərbaycan münasibətlərinin kəskinləşməsinə əsas səbəb kimi Avropanın demokratiya ilə bağlı tələbləri sərtləşdirməsini göstəririlər.    

    

“Zerkalo”. 2009-cu il aprelin 30-da Neft Akademiyasında baş vermiş terror qurbanlarının xatirəsini yad etmək üçün gənclər bu gün saat 15:00-da akademiya önünə yürüş edərək hadisə yerinə qərənfillər düzəcəklər.  

 

“Ekspress” Azərbaycan Silahlı Qüvvələrinin yaradılmasının 95 illik yubileyilə bağlı Bakıda parad keçiriləcəyi xəbərini birinci səhifəyə çıxarıb.

       

“Novoe Vremya” 2009-cu ildə Neft Akademiyasında baş vermiş terror hadisəsi qurbanlarının xatirəsini yad etmək üçün gənclərin keçirmək istədikləri kütləvi aksiyaya “heç kim unudulmayıb” mövqeyini ifadə edir. 

Qəzet PA-nın rəhbəri Ramiz Mehdiyevin İran səfərinə “R.Mehdiyev İranı yumşalda biləcəkmi?” şərhini verir. 

 

“Bizim yol” Füzuli küçəsində sürüşdürülən binanın uçmaq təhlükəsilə üzləşdiyini və sakinlərə hər kv.metrə 1500 manat verməklə köçmək təklif olunduğunu yazır. 

“Royalbank”ın bağlanmasını yada salan qəzet gələn il bir neçə bankı belə taleyin gözlədiyini və nəticədə 1,8 milyard manat əmanətin təhlükədə olduğunu yazır. 

 

“Yeni Müsavat” şərti “milyarderlər ittifaqı”nın rəhbəri Abas Abasovun Moskvada azərbaycanlı gənclərlə keçirdiyi toplantını “Bakını narahat edəcək addım” deyə ilk səhifəyə çıxarıb.

    

 

Rəy yaz

Cəmiyyət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti