![Mətbuat-Monitorinq 30.05.13](https://turan.az/resized/media/2013/main/052900037953-750-500-resize.webp)
Mətbuat-Monitorinq 30.05.13
Rəsmi və hökumətyönlü qəzetlər Bakıda “Gələcəyə baxış” Azərbaycan-ABŞ Forumunun keçirilməsi haqda xəbərləri ilk səhifəyə çıxarıblar.
Əmək pensiyası haqqında qanuna dəyişikliklərin mətnləri qəzetlərdə dərc edilib.
Bundan əlavə, rəsmi qəzetlər ölkənin etiraz elektoratını ətrafında birləşdirən Milli Şuranın yaranmasına dair böhtan, iftira, təhqir dolu açıqlamalar dərc ediblər.
“Azadlıq” qəzeti AXCP sədri Əli Kərimlinin “qarşıdakı seçkilərdə vahid namizədlə iştirak etməliyik və buna nail olacağıq” bəyanatını ön səhifəyə çıxararaq bunu “Əli Kərimlinin Milli Şuranın planlarını açıqlaması” kimi şərh edir.
Yeni Azərbaycan Partiyası bu il iyunun əvvəllində növbəti qurultay keçirməyi nəzərdə tutur.
1992-93-cü illər AXC hakimiyyəti dönəminin daxili işlər naziri İsgəndər Həmidov polis idarəsində iqtidarın əleyhinə çıxış etməmək hədəsinə məruz qalıb.
Mingəçevir məktəblərində məzun törəninin təkililə bağlı hər məzundan 120-150 manat həcmində pul toplanır.
Narkotik maddə saxlamaq və satmaqda şübhəli bilinərək rayon polis şöbəsinə aparılan Biləsuvar rayon sakini Yaməddin Rəsulov orada özünü asaraq intihar edib.
“Zerkalo” etiraz elektoratını ətrafında birləşdirən Milli Şuranın yaradılmasını iqtidarı nəzərdə tutaraq “yeni azərbaycanlılar” əleyhinə beynəlxalq sui-qəsd” kimi dəyərləndirir.
“Exo” Azərbaycanda yaşı 100-dən yuxarı olan seçicilərin sayının 800 nəfərdən çox olduğunu bildirir.
“Novoe Vremya” Bakıda keçirilən ABŞ-Azərbaycan Forumunda ABŞ-dan olan nümayəndələrin rəsmi Bakını tərifləmələrinə “ABŞ-ın Azərbaycanla ənənəvi “tərəfdaşlıq” oyunu oynamasının davam etməsi” mövqeyini ifadə edir.
AŞPA başçısı Jan Klod Minyonun Azərbaycan iqtidarının mövqeyini dəstəkləməsi məzmunlu çıxışına qəzet “kürü diplomatiyasının fəaliyyətdə olması” şərhini verir.
“Bizim yol”. Hazırda məhkəmə prosesi gedən “Texnikabank”ın keçmiş rəhbəri Etibar Əliyev cərrahiyyə əməliyyatı keçirdiyindən proses qeyri-müəyyən vaxta təxirə salınıb.
“Yeni Müsavat” şərti “Milyarderlər ittifaqı”nın başçısı Abbas Abbasovun “bizə qarşı olanlar gedəcək” bəyanatını “Milyarderlər ittifaqı” sədrindən Bakıya hədə” kimi şərh edərək ilk səhifəyə çıxarıb.
Kremlin separatçı “Sadval” hərəkatını Azərbaycana təzyiqlər üçün hazırladığını yazan qəzet ekspertlərə istinadən Azərbaycan ətrafında situasiyanın gərgin olduğunu bildirir.
Milli Şuranın yaranması ilə demokratik düşərgədə və cəmiyyətdə fəallığın olduğunu, bu canlanmaya iqtidarın qəzəbli bəyanatlarla cavab verməsini qəzet “Milli Şuranın ölkə gündəmini dəyişməsi” kimi dəyərləndirir.
“Bakı Xəbər” Azərbaycanın şimal-qərbində vəhabiliyin sürətlə artdığını yazaraq bu qüvvələrin əsas maliyyə qaynaqlarının Səudiyyə Ərəbistanında yerləşdiyini iddia edir.
-
- Siyasət
- 29 May 2013 23:22
-
- İqtisadiyyat
- 30 May 2013 12:26
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz