![Mətbuat-Monitorinq 30.08.12](https://turan.az/resized/750/500/resize/media/2012/main/083000009218.jpg)
Mətbuat-Monitorinq 30.08.12
Rəsmi qəzetlər dövlət başçısı İlham Əliyevin Belarusa səfəri haqda yazıları ilk səhifəyə çıxarıb. Bundan əlavə, bu qəzetlərdə aparıcı müxalifət qüvvələri olan AXCP və Müsavat partiyasına, onların liderləri, müxalifətin birliyi olan İctimai Palata üzərinə hücumlar olan məqalələr yer alıb.
“Azadlıq” qəzeti ictimai yerlərdə siqaret çəkilməsini məhdudlaşdıran qanun layihəsinin parlamentin müzakirəsinə çıxarılmamasını önə çəkərək bunu parlament spikerinin “siqaret mafiyasına” təslim olması kimi qiymətləndirir.
Ölkədəki ictimai-siyasi duruma dəyərləndirmə verən siyasətçi Pənah Hüseyn siyasi-hüquqi islahatlarla ölkəni dəyişmək istəməyən Azərbaycan iqtidarının dəyişdiriləcəyi qənaətini ifadə edib.
Dünya ölkələrində təhsil haqlarının bahalığını təhlil edən qəzet bu sahədə ən ağır durumun Azərbaycanda olduğunu iddia edir.
Ölkədə unun qiymətinin bahalaşmasını şərh edən qəzet bunu daxili tələbatın yalnız idxal hesabına ödənməsilə bağlı olduğunu bildirib.
“Zerkalo” 2010-cu ilin mayında sel daşqınına məruz qalan Salyan sakinlərinin hələ də hökumətin verməli olduğu yardımı ala bilmədiklərini nəzərə çatdırır.
“Ekspress” ölkədə uşaq intiharının artdığını yazaraq 2011-ci ildə 28, bu ilin təkcə ilk yarısında isə 29 faktın qeydə alındığını bildirir.
“Exo”. Bu ilin yay mövsümündə təcili yardım stansiyaları ölkədə 54 vətəndaşı əqrəb sancması, 117 vətəndaşı günvurması faktını qeydə alıblar.
“Bizim yol” bu il ərzində Nazirlər Kabinetinin investisiya ilə bağlı sərəncamlara 38 dəfə dəyişiklik etdiyini yazaraq xərci 2,5 milyard manata qaldırmasını “şok büdcə oğurluğu faktları” kimi dəyərləndirir.
“Yeni Müsavat” bu ilin yayında Zaqatalada baş vermiş zəlzələnin nəticələrinin hələ də aradan qaldırılmamasına görə əhalinin narazılıq həddini “Zaqatalada zəlzələ kimi üsyan gözlənilməsi” kimi dəyərləndirir.
Ölkənin ictimai-siyasi gündəminə “bizi çox gərgin bir payız gözləyir” siyasi mövqeyini ifadə edən Müsavat başqanı İsa Qəmbər “hamı çox diqqətli, məsuliyyətli davranmalıdır ki, ölkə bu mərhələdən ən az itki ilə çıxsın” xəbərdarlığı edir.
Azərbaycanda 100 milyon dollara 5,5 km, ABŞ-da isə 17 km. yol çəkildiyini yazan qəzet nazir Ziya Məmmədova “Azərbaycanı dünya birincisi elədi” ironiyası bildirir.
Yaxın iki ildə ixtisar nəticəsində ARDNŞ sistemində əməkçiləri sayı 80 min nəfərdən 40 min nəfərə endiriləcək.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz