Fransa-Türkiyə münasibətlərində yeni gərginlik

Ermənistan-Türkiyə: Fransada dərsliklərə Osmanlı imperiyasında etnik ermənilərin kütləvi şəkildə məhv edilməsi barədə fəsil daxil edilib,  eurasianet.org bildirir.

Görünür, Fransa özünün tarix dərsliyinə, həmçinin müasir mərhələdə Türkiyə ilə qarşıdurmanın tarixinə yeni səhifə yazıb. Ankaranın versiyasına görə, Birinci Dünya Müharibəsinin əlavə nəticəsi olan Osmanlı Türkiyəsində ermənilərin kütləvi şəkildə məhv edilməsi Ermənistan və Türkiyə KİV-nin məlumatına görə, Fransanın tarix  dərsliklərinə daxil edilib.

Erməni soyqırımının inkarına görə cəzanı nəzərdə tutan qanunun (sonda Fransa Konstitusiya Məhkəməsi tərəfindən ləğv edilib) yaratdığı diplomatik qalmaqaldan sonra Paris və Fransa yavaş-yavaş münasibətləri yoluna qoymağa çalışırdı ki, bu barədə xəbər yayıldı.

İyulda Türkiyənin xarici işlər naziri Əhməd Davudoğlu  ticarətin genişləndirilməsi və Fransa-Türkiyə münasibətlərində “yeni qarşılıqlı anlaşmanın” formalaşması yolları barədə danışıqların aparılması üçün Parisə gedib.

Avqustda Fransanın xarici siyasət idarəsinin rəhbəri Loran Fabius Türkiyəyə cavab səfərinə gəlib, o, Suriya böhranını müzakirə etmək, həmçinin suriyalı qaçqınların düşərgələrində olmaq üçün respublikaya gəlib.

Lakin sözügedən qanun əvvəlkitək öz təsirini göstərməkdə davam edir. Bu il prezident postuna seçkidən əvvəl Fransua Olland elektorata (əsasən erməni diasporunun nümayəndələrindən ona seçicilərə) vəd verib ki, həmin qətllərin soyqırım olmadığını təsdiqləyən “yeni qanun” qəbul olunacaq. 

Tarix dərsliklərinə yeni fəslin daxil edilməsinin bu məqsədə xidmət edib-etməməsi hələlik aydın deyil. 

İyulda Əhməd Davudoğlu ilə keçirilən birgə mətbuat konfransında Fabius qeyd edib ki, soyqırım  haqqında ləğv olunmuş qanunun yenidən qəbulu “artıq mümkün deyil”.

Lakin bir neçə gündən sonra Prezident Aparatındakı mənbə “Reyter” agentliyinə bildirib ki, Ollandın yeni qanun haqqında vədi “yerinə yetiriləcək”.

Fransa prezidenti Fransua Olland  “Hurriyət” qəzetinə tələsik müsahibəsində deyib ki, erməni soyqırımı haqda bölmənin orta məktəblərin tarix kitablarına daxil edilməsi ilə bağlı Təhsil Nazirliyinə göstəriş verməyib. “Mən mütləq bu məsələni araşdıracam”, - prezident Türkiyə qəzetinə bildirib.

Türkiyənin Fransadakı səfiri Təhsin Burcuoğlu bununla əlaqədar bildirib ki, hazırda səfirlik Fransanın tarix və coğrafiya dərsliklərini öyrənir və iş başa çatdıqdan sonra ətraflı hesabat hazırlayacaq. Hesabat Türkiyənin Xarici İşlər Nazirliyinə təqdim olunacaq.—0—