Rəsmi qəzetlər dövlət başçısı İlham Əliyevin Beyləqan və Füzuli rayonlarına səfəri, Beyləqan rayonunda sosial-iqtisadi inkişafla, idman kompelksi, Birinci Şahsevən-Əhmədli-Dünyamalılar avtomobil yolunun tikintisilə bağlı 5 milyon manat vəsait ayırması haqda sərəncamlarının mətnlərini ilk səhifədə yerəşdiriblər.
“Azadlıq” qəzeti nəşrin əməkdaşı Seymur Həzinin xuliqanlıqda ittiham olunaraq həbsə alınmasını ilk səhifəyə çıxararaq bunu “əməkdaşın şərlənərək həbsi” adlandırır.
Qəzet yerli sakinlərə istinadən İmişlidəki şəkər zavodundan Mil-Muğan kollektoruna axıdılan zəhərli maddənin sudakı bütün canlıları məhv etdiyini yazır.
Xaçmazda torpaq alverilə bağlı bələdiyyə sədri Rəşad Qasımovla Torpaq Komitəsinin sədri Adıgözəl Tağıyev arasındakı davada ikincinin qolu sındırılıb.
Səbayel Rayon Məhkəməsi İqtisadi Təhqiqat Mərkəzinin hesablarına və sədri Qubad İbadoğlunun şəxsi hesabına həbs qərarı verib.
Qəzet Cəlilabaddakı hərbi hissələrin birində xidmət edən əsgərin anasına komandir tərəfindən əxalqsız təklif olunduğunu nəzərə çatdırır.
“Ekspress” PA-nın rəhbəri Ramiz Mehdiyevin yanında informasiya təhlükəsilziyi lə bağlı müşavirədə onun KİV-lərə sərt xəbərdarlıq etdiyini yazır.
“Novoe Vremya” Avropa İttifaqının Azərbaycanın da daxil olduğu “Şərq Tərəfdaşlığı” layihəsinin avantüra olması, Qərbin Bakını yenə də “energetika təxribatı”na cəlb etməsi kimi mövzuları ilk səhifədə yerləşdirib.
“Bizim yol” insan haqlarının ağır durumuna görə ABŞ-ın Azərbaycanı tənqid etməsinə Azərbaycan XİN “ABŞ-ın Azərbaycanın daxili işlərinə qarışması” bəyanatını səsləndirib.
“Yeni Müsavat” Qərbin Rusiyanı çökdürmık planının işə düşməsi, Azərbaycanda QHT-lərə qarşı repressiyalarda Rusiya “izi” mövzusunu ilk səhifəyə çıxarıb.
Rəhbəri olduğu QHT-nin, eləcə də şəxsi hesabına həbs qoyulan Qubad İbadoğlu həbsə alına biləcəyini də istisna etməyib.
Milli Şuranın sədri Cəmil Həsənli dindarları həbsdə olan qardaşlarının müdafiəsi naminə səslərini qaldırmamaqda ittiham edib.
Politoloq Hikmət Hacızadə rəsmi Bakının QHT-lər üzərinə hücumuna “hökumət elə bilir ki, QHT-lər Qərbdən pul alıb inqilab edəcəklər” şərhini verib.
Sovet zamanında adı dillər əzbəri olan İvanovka kəndində su problemi yaşanır və durum getdikcə ağırlaşır.
Cəmiyyət
-
Azərbaycana İrandan gətirilən bəzi şirniyyatlarda GMO (genetik materialı dəyişdirilmiş orqanizmlərə verilən addır) aşkarlanıb. "Qida təhlükəsizliyi haqqında" Qanuna görə, qeydiyyatdan keçməyən genetik modifikasiya olunmuş yem məhsullarının istehsalı, emalı, dövriyyəsi qadağandır. Qeydiyyata alınması üçün həmin məhsullar həyat və sağlamlığa zərərli olmamalı, istehlak xüsusiyyətləri ilə bağlı istifadəçilər aldadılmamalıdırlar.
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
Rəy yaz