Bugünkü qəzetlərin əsas mövzusu deputat Gülər Əhmədova ilə keçmiş rektor Elşad Abdullayev arasında rüşvət qalmaqalıdır.
“Azadlıq” qəzeti. İctimai fəal Mahal İsmayıloğlu iqtidarın rüşvət ifşasının deputat Gülər Əhmədova olayı ilə bitməyəcəyini, belə hallarda maraqlı olirqarxların “video-ifşa” üsulundan istifadə etməklə “daha sensasyalı hadisələrin olacağı” barədə proqnozu verib.
Qəzet Bakıdakı yeni köşklərin fəaliyyətinin qanunsuz olduğunu yazaraq bunu “yeni qəzet köşklərinin kriminal şəbəkəyə çevrilməsi” adlandırır.
Azərbaycana saxta dərmanların kütləvi şəkildə daxil oldiğini deyən səhiyyə nazirinin müavini Elsevər Ağayev bu halın Ümumdünya Səhiyyə Təkişlatında narahatlıq yaratdığını bildirir.
“Bandotdel”in əməliyatçıları “Nida” gənclər hərəkatının üzvü Zaur Qurbanlını həbsə alıblar, amma bu haqda açıqlama verilmir. Ehtimallara görə, dövlət başçısının qızı Leyla Əliyevanın şerlərinin orta məktəb dərsliklərinə salınmasını tənqid etməsi Z.Qurbanlının həbsinə səbəb olub.
“Yeni Müsavat” parlamentin bugünkü iclasında rüşvət qalmaqalı ilə bağlı deputatlıqdan imtina etmiş Gülər Əhmədovanın kəskin tənqid olunacağını
yazaraq bunu “deputatın daş-qalaq olunması” adlandırır.
Deputat G.Əhmədovanın iddiasına baxmayaraq, ekspertiza rüşvətlə bağlı videogörüntülərin montaj olmadığı barədə rəy verib.
Yol-nəqliyyat qəzasına görə istintaq dövründə barəsində həbs qərarı verilmiş gənc müsavatçı Nigar Yaqublunun istintaqı bu gün başa çatır.
AXCP sədri Əli Kərimli ölkənin siyasi gündəminin gərginlik içində olduğunu deyərək “Azərbaycandakı proseslərin təkcə hakimiyyətin yox, müxalifətin də nəzarətindən çıxa biləcəyi” barədə xəbərdarlıq edib.
Azərbaycan Gömrük Komitəsinin sədri Aydın Əliyevin Türkiyədəki biznes şəriki Qalib Öztürkün “Metro-holdinq”inin bütün əmlakı müsadirə edilib.
Deputat Hüseynbala Mirələmovun qardaşı oğlunun qatil olmasına baxmayaraq, ruhi-əsəb dispanserinə köçürülməsinin səbəblərini hüquq-mühafizə orqanları açıqlamır.
“Bakı Xəbər” Xankəndində qanunsuz aeroportdan uçuşlara hazırlığı “bölgədə müharibə təhlükəsini reallaşdıran daha bir amil” adlandırır.
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz