Bu gün Strasburqda AŞPA-nın payız sessiyası açılır. Gündəlikdə Rusiyanın öz vəzifə və öhdəliklərini yerinə yetirməsi, Suriyada humanitar böhran, “siyasi məhbus” termininin təyini və digər məsələlər var.
Assambleya üzvləri Avropada təhsil sahəsində seçki azadlığı hüququ, insan haqları və xarici siyasət barədə debatlar keçirəcəklər.
Gündəliyə həmçinin “Daha demokratik seçkilər uğrunda” və “Siyasi partiyalarda gender bərabərliyi üzrə qabaqcıl praktika haqqında” mövzularda ümumi diskussiyalar keçiriləcək. Həmçinin “Ramil Səfərovun işi üzrə” cari müzakirələrin aparılması barədə sorğu alınıb. Lakin Assambleya yekun gündəliyi bu gün təsdiqləyəcək.
Oktyabrın 3-də AŞPA-nın siyasi məhbuslar üzrə məruzəçisi Ştrasser çıxış edəcək. Onun məruzəsi “siyasi məhbuslar” termininin təyininə həsr olunub. Məruzədə Azərbaycandakı hadisə və faktlara da mühüm yer veriləcək.
Bazar ertəsi yerli vaxtla saat 10:30-da (Bakı vaxtı ilə 13:30-da) AŞPA sədri Jan Klod Minyonun mətbuat konfransı olacaq.-02V-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz