Mətbuat-Monitorinq 31.07.13

Rəsmi və iqtidaryönlü qəzetlər dövlət başçısı İlham Əliyevin Goranboy rayonunun sosial inkişafı üçün 3 milyon manat vəsait ayırması, Elman Araslıya ölkə prezidentinin fərdi təqaüdünün verilməsi haqda sərəncamlarının mətnlərini dərc ediblər. 

Bundan əlavə, bu qəzetlərdə ölkənin protest elektoratının birliyi olan Milli Şuranı tənqid adı altında təhqirə məruz qoyan çoxsaylı yazılara yer verilib.

“Azadlıq” qəzeti Milli Şura təmsilçilərinin Tbilisi görüşünü ilk səhifəyə çıxarıb.

Qəzet nazir Kəmaləddin Heydərovun iş adamı Mübariz Mənsimovun Azərbaycandakı biznes qurumlarını çökdürdüyünü nəzərə çatdırır.   

Bakıda saxlanılan Milli Şuranın Ukrayina təmsilçisi Yalçın Qəhrəmanlı “baş verənlər siyasi fəaliyyətimlə bağlıdır” bəyanatını səsləndirib.   

Ölkənin  müxalifət düşərgəsi iqtidar tərəfdən səslənən dialoq çağırışına “real olmayan, qeyri-səmimi söhbət” şərhini verib. 

Müxalif siyasətçilər iqtidar düşərgəsində deputat Mehriban Əliyevanın prezidentliyə namizədliyinin irəli sürülməsini “iqtidardaxili təşvişin göstəricisi” sayırlar. 

Hərbi ekspertlər ötən 6 ayda təhlükəsizlik və müdafiə sektorunun itkilərinin 58 nəfər təşkil etdiyini, bunun 49 nəfərinin qeyri-döyüş itkisi  olduğunu bildirirlər. 

İqtisadçılar iqtidar tərəfinin ölkədə 141 təbii inhisarçı şirkətin olması haqda rəqəmini inandırıcı saymır, bunu iqtidara lazım olan şişirdilmiş rəqəm adlandırır. 

“Zerkalo” Azərbaycanla Rusiyanın ictimai-siyasi maraqlarını təhlil edərək “Bakı ilə Kremlin yolları bir deyil” qənaətini ifadə edir.

Qəzet ölkənin müxalif qüvvələrinin Tbilisi görüşünə yekun olaraq “ümumiyyətlə, İbrahimbəyov Bakıya qayıdacaqmı?” sualı ilə mövqeyini ifadə edir. 

Qəbələ RLS “tarixi”nin başa çatmaqda olduğunu yazan qəzet “təhvil-təslim”in burun ucunda olmasını” xatırladır. 

“Ekspress” Moskva polisinin “Matyeveyski” bazarında qafqaz əsillilərə hücumlarını “irqçilik” adlandırır. 

“Exo” ekspertlərə istinadən istehlakçıların 70%-nin elektrik, qaz və sudan qənaətlə istifadə etmədiklərini yazaraq qənaətcil istehlakçılara güzəştli tarif tətbiq olunmasını təklif edirlər.

“Novoe Vremya” Daxili İşlər Nazirliyinin aksiyaların qarşısının alınacağı haqda bəyanatlarını “DİN-in əli ilə iqtidarın vətəndaşlara yenidən hədə-qorxu gəlməsi” adlandırır.

Qəzet ölkədəki ictimai-siyasi durumu təhlil edərək “azad seçki mühiti yoxdur ki, yoxdur” qənaətini ifadə edir.

“Bizim yol” azyaşlı uşağın ciddi zədə aldığı və keçmiş deputat Nizami İsgəndərova məxsus olduğu deyilən “Nabran Holiday Village”də yoxlamaların başladığını və bunun oliqarxa baha başa gəldiyini bildirir.

Qəzet Milli Şuranın Tiflis sammitinin gərgin keçdiyini, razıəlaşma əmələ gəlmədiyini, toplantıənın bu güen də davam edəcəyini önə çəkib. Quba rayoon Mucukənd məktəbinin direktopru Əliağa Eyvazov özünü məktəbin kitabxanasında asaraq intihar edib.

“Yeni Müsavat” qarşıdakı seçkilərin taleyinin nazir Kəmaləddin Heydərov və PA-nın rəhbəri Ramiz Mehdiyevə həvalə olunmasını manjetə çıxarıb. 

Milli Şura təmsilçilərinin Tbilisi görüşünə diqqət çəkən qəzet bunu “müxalifətin Tbilisi zirvəsi” adlandırır. 

Məktəbli geyimləri ibtidai sinif şagirdləri üçün 40, orta və yuxarı orta sinif şagirdləri üçün 52 manata satılacaq.   

Gəncədə 2 saylı notarial idarənin notariusunun oğlu Vasif İmanov sərxoş halda polisləri qabağına qataraq qaçmağa məcbur edib. 

Eks-spiker Rəsul Quliyevin müxalifətin vahid namizəd olmaq istəməsi bəyanatına müxalif düşərgə “bu böyük səhv olardı” cavabını verib.