Rəsmi və iqtidaryönlü qəzetlər dövlət başçısı İlham Əliyevin Sabirabad, Saatlı, Ağcabədi rayonlarına və Bakının Binəqədi rayonuna səfəri haqda xəbərləri ilk səhifələrə çıxarıblar. Bu qəzetlər təhsil, hərbi çağırış işçilərinin maaşlarını və digər qrupların sosial müavinətlərinin artırılması haqda sərəncamlarının mətnlərini dərc ediblər.
“Azadlıq” qəzeti qarşıdakı prezident seçkilərilə bağlı indiki mərhələdə baş verən proseslərə toxunub.
Seçkilərdə indiki dövlət başçısı İlham Əliyevin vəkillərinin kimlər olması ilə bağlı YAP daxilində çəkişmə gedir.
Milli Şuraya daxil olan EL hərəkatının sədr müavini Köçəri Nağıbəyli ölkə prokurorluğunda 4 saat dindirilib.
Saxta “iğtişaş olacaq” bəyanatı ilə EL hərəkatı rəhbərliyinin istintaqa cəlb olunmasına hüquqşünaslar “korrupsiya faktlarına göz yuman prokurorluğun cəfəng iddiaları araşdırması” şərhini veriblər.
Ekspertlər ölkədə maaş artımı ilə yanaşı istehlak bazarında qiymətlərin də artdığını yazaraq son nəticədə xeyrin yenə inshisarçılara qaldığını bildirirlər.
“Zerkalo” Xəzərin hüquqi statusunun müəyyən olunması ilə bağlı Xəzəryanı 5 dövlətin Bakıda toplanacağı, amma danışıqların nəticə verməyəcəyini önə çəkir.
Qəzet Gürcüstanın Çela kəndində minarənin uçurulması ilə bağlı vəziyyətin hələ də tənzimlənmədiyini bəyan edir.
“Ekspress” ekspertlərə isnadən təkrar mənzil bazarında son 1ildə 32% bahalaşmanın qeydə alındığını nəzərə çatıdırır.
“Exo” ölkədə 200 məmurun rüşvətə görə yaxalandığını yazaraq əhalinin 50%-nin pullarını belə “ödənişsiz xidmət”lərə sərf etdiyini bildirir.
Bakı sakinlərinin kommunal xidmətlərə görə real olandan artıq pul ödənildiyini deyən ekspertlər yeni tikilən binalarda durumun daha ağır olduğunu bildirirlər.
“Novoe Vremya” YAP sədr müavini Əli Həsənovun “müxalifətin yerinə utanması” bəyanatına rəsmi Bakının xalq etirazlarına qəddar davranışını önə çəkərək “həqiqətən kim utanmalıdır” sualını gündəmə gətirir.
Rəsmi Bakının seçki ərəfəsində ölkənin müxtəlif sosial təbəqlərinin pul gəlirlərinin artırılması ilə bağlı imzaladığı sərəncamlara “sosial müdafiənin güclənməsi, yoxsa ələ almaq?” şərhini verir.
“Bizim yol” ölkədə bir gündə 5 nəfərin güllələnməsini yazaraq bunu kriminogen durumun nəzarətdən çıxması kimi dəyərləndirir.
“Yeni Müsavat” dövlət orqanlarının yerləşdiyi binaların mühafizəsini gücləndirməsini rəsmi Bakının “dövlət çevrilişi həyəcanı yaratması və seçkiöncəsi gərginliyi artırması” kimi dəyərləndirərək ilk səhifəyə çıxarıb.
Rəsmi Bakının seçki ərəfəsində əhalini özünə tərəf çəkmək üçün büdcə təşkilatlarında maaşları artırması bütün iqtisadi sektorlar üzrə bahalaşmaya səbəb olub.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz