2012-ci il avqustun 26-dan erməni əsirliyində olan azərbaycanlı əsgər Firuz Fərəcov avqustun 30-da üçüncü ölkəyə göndərilib. Bu barədə Beynəlxalq Qırmızı Xaç Komitəsinin Bakı nümayəndəliyi məlumat verib.
Mənbənin məlumatına görə, BQXK-nın Yerevandakı nümayəndəliyinin rəhbəri Lorenzo Karaffi bildirib ki, əsirlə sonuncu 9-cu görüşdə ona doğmalarının məktubu verilib. Onunla vətənə qayıtmaq istəməsi və ya üçüncü ölkəyə repatriasiya məsələsi müzakirə olunub. Hərbi əsir ikinci variantı seçib.
F.Fərəcov (1992-ci ildə anadan olub) 2012-ci ilin iyulunda Tovuz rayonunun cəbhə xəttində əsir düşüb.
Öz növbəsində erməni mənbələri F.Fərəcovun öz istəyilə üçüncü ölkəyə göndərildiyini təsdiqləyiblər.
Qeyd edək ki, bundan əvvəl erməni tərəfi bildirirdi ki, F.Fərəcov evə qayıtmaq istəyir və erməni tərəfi mütləq onu azad edəcək. Bu bəyanatlar erməni əsgər Akop İnciqulyan Azərbaycana əsir düşdükdən sonra səslənib.-16D-
Cəmiyyət
-
Sentyabrın 13-də Abşeronda səhər və axşam qısamüddətli yağıntı gözlənilir. Bakıda hava dəyişkən olacaq, şimal-qərb küləyi əsəcək. Havanın temperaturu gündüz müsbət 28 + 31 dərəcə, rütubət gecə 70-80 faiz, gündüz 45-55 faiz olacaq.
-
Sentyabrın 11-i səhər saatlarında aralarında gənc, yaşlı, qadın olmaqla, təxminən 25 nəfərin Bəhrəmtəpə-Beyləqan avtomobil yolunun Qaragüvəndikli kəndindən keçən hissəsini bağladıqları bildirilir. "Azadlıq" radiosunun məlumatına görə, etirazçılar ötən ildən itkin düşmüş 11 yaşlı Rasim Xankişiyevin ailə üzvləri, qohumları və həmkəndliləridir.
-
Sentyabrın 12-də paytaxtda isti, quru hava şəraiti davam edəcək. Mülayim şimal-qərb küləyi əsəcək. Havanın temperaturu gündüz 28-32 dərəcə, nisbi rütubət gecə 70-75%, gündüz 40-45% təşkil edəcək.
-
Lider mobil operator “Məktəbə qayıdış” adlı kampaniyasını təqdim edir “Azercell Telekom” MMC yeni tədris ili ərəfəsində mütaliə və xarici dillərə marağı olan abunəçilər üçün “Məktəbə qayıdış” kampaniyasını elan edir.
Rəy yaz