Dini Qurumlarla İş üzrə Dövlət Komitəsinin (DQDK) Milli Tolerantlıq Mərkəzi layihəsi çərçivəsində avqustun 30-da dünyanın bir qrup dini eksperti Bakıya səfərə gəlib. Bu xəbər Turan-a komitədən verilib.
Bu şəxslər dinlərarası dialoq və tolerantlıq barədə müntəzəm araşdırmalar aparan, bu sahədə beynəlxalq rəyə təsir göstərməyi bacaran mütəxəssislər sayılırlar. Ekspertlərin ölkənin müxtəlif dini konfessiyalarının təmsilçilərilə görüşləri gözlənilir. Bundan əlavə, komitənin tərtib etdiyi “Tolerantlığın İpək Yolu marşrutu”nda yer alan tolerantlıq tarixini əks etdirən tarixi abidələrə səfərləri nəzərdə tutulur.
Qrupa Fransanın “Canal+” televiziyasının aparıcısı Roknaya Diallo, mərhum şahzadə Diananın şəxsi katibi olmuş Patrik Jefson, publisist Valeri Novoselski və başqaları daxildir.
Qrup Qubada Qırmızı Qəsəbəyə, Şamaxıda “Cümə” Məscidinə, Qəbələdə Nic qəsəbəsində yerləşən Qafqaz Albaniyasının qədim kilsəsinə, Şəkidə Qafqazın ilk kilsəsi olan Kiş kilsəsinə və digər yerlərə səfər edəcək. Səfərin nəticələri ilə bağlı Milli Tolerantlıq Mərkəzinin yeni ofisində mətbuat konfransı keçiriləcək. -05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz