"Məxmər inqilab" Qarabağda davam edir

İyunun 1-dən Ermənistanın işğal etdiyi Azərbaycan Respublikasının Dağlıq Qarabağ bölgəsində Xankəndində mərkəzi prospektin bağlanması ilə etiraz aksiyaları başlayıb. Gecə prospekt açılıb, amma etiraz hadisələri davam edir. Qarabağın JAMnews agentliyi etirazlara xüsusi təyinatlılardan birikim iştirakı ilə baş verən davanın və sonradan 20 xüsusi təyinatlının iki mülki şəxsi döyməsi səbəb olub. Polis nəinki müdaxilə etməyib, həm də döyülənləri saxlayıb, baxmayaraq ki, sonradan onları xəstəxanaya göndərmək məcburiyyətində qalıb. Etirazlardan sonra cinayət işi açılıb. 15 nəfər milisə aparılıb, onların əsasən mülki şəxsləri döyənlər olduğu bildirilir.

İyunun 2-də kütləvi aksiya davam edib, xəbəri "Sputnik Armeniya" yayıb.

Etirazçılar yalnız yerli güc qurumlarının başçılarının - baş prokuror Artur Mosiyanın, polis rəisi Kamo Ağacanyanın və MTŞ rəisi Arşavir Qaramyanın istefasını tələb edirlər. "Prezident" Bako Saakyanın istefasından hələlik söhbət getmir, amma bu tələb "havada uçuşur".

Qarabağ parlamentinin deputatı Ayk Xanumyan (Nikol Paşinyan kimi, o da əslən Ermənistanın İcevan rayonundandır) Bako Saakyanla görüşüb, amma hələlik razılaşmaların səbəbi haqqında məlumat verməyib. Şahidlərin sözlərinə görə, hakimiyyətdə panika olduğu adi gözlə görülür - təkcə dövlət naziri Araik Arutyunyan, Təhlükəsizlik Şurasının katibi Vitali Balasanyan deyil, güc qurumlarının rəhbərləri də etirazçıların qarşısına çıxıb onları sakitləşdirməyə çalışırlar. Onların özlərinin hakimiyyəti dəyişdirmək üçün fürsətdən istifadə etmək istədikləri haqqında fikir var.

Bako Saakyanın yerinə kimin gələ biləcəyi sualının birmənalı cavabı yoxdur. Bir neçə varianta baxılır. Bu, Serj Sarkisyan və Robert Koçaryandan "kompromisli" namizəd hesab olunan keçmiş Qarabağ "prezidenti" Arkadi Qukasyan, yaxud Qarabağın hazırki "xarici işlər naziri", 2007-ci ildə prezident seçkilərində Bako Saakyanın rəqibi olan və on ildir dərin müxalifətdə olan Masis Mailyandır.

Daha bir versiya Qarabağda etirazçı qrupları səfərbər etməyə çalışan Ayk Xanumyandır. 2016-cı ildə o, 2017-ci ildə Yerevanda hakimiyyətə qarşı zorakı fəaliyyətin hazırlanması ittihamı ilə yeddi il müddətinə azadlıqdan məhrum edilən və hazırda həbsdə olan Qarabağın keçmiş müdafiə naziri Samvel Babayana dəstək aksiyasında iştirakdan sonra döyülüb.

Daha bir potensial namizəd var - hazırki "dövlət naziri" Araik Arutyunyan. O, kifayət qədər böyük ictimai dəstəyə malikdir və parlamentdə əksəriyyət təşkil edən "Azad Vətən" partiyasının lideridir. --0--