Jurnalist Aytən Fərhadova Meydan TV internet resursu ilə əməkdaşlığı ilə əlaqədar dünən Baş Prokurorluğun Ağır Cinayətlər üzrə İstintaq İdarəsində dindirilib.
Jurnalist özü bildirib ki, dindirmə iki saata yaxın davam edib. Ona Mingəçevir hadisələri (söhbət 27 yaşlı Bəhruz Hacıyevin yerli polis bölməsində ölümü ilə əlaqədar avqustun 22-də keçirilmiş etiraz aksiyasından gedir) və Meydan TV-nin fəaliyyəti haqqında suallar veriblər.
Jurnalist bildirib ki, etirazlar zamanı ümumiyyətlə Mingəçevirdə olmayıb. Daha sonra ona işi, oradan maaş alıb-almadığı, orada başqa kimlərin işlədiyi haqqında suallar veriblər.
Qeyd edək ki, sentyabrın 1-dən etibarən prokurorluq Meydan TV ilə əməkdaşlıq edən digər jurnalistləri – Sevinc Vaqifqızı, İzolda Ağayeva, Cavid Abdullayev, Natiq Cavadlı və Şirin Abbasovu da dindirib.
Hamını Mingəçevirdə etiraz aksiyasının işıqlandırılması haqqında dindirmə adı altında çağırılır, amma əsasən Meydan TV haqqında suallar verilir. -0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz