Meydan TV-nin apellyasiya şikayəti təmin edilməyib
Bakı/23.04.19/Turan: Aprelin 23-də Bakı Apellyasiya Məhkəməsi "Meydan" TV-nin saytının bloklanması ilə bağlı şikayətini təmin etməyib. Hakim Etibar Nəbiyevin sədrlik etdiyi prosesdə birinci instansiya məhkəməsinin qətnaməsi qüvvədə saxlanılıb. Bu barədə "Meydan" TV məlumat yayıb.
2017-ci il mayın 12-də Səbayel Rayon Məhkəməsi "Meydan" TV-nin bloklanması barədə qərar çıxarıb. Həmin il mayın 12-də isə Səbayel Rayon Məhkəməsinin qərarıyla "Azadlıq" radiosunun azadliq.org, "Azadlıq" qəzetinin azadliq.info, "Meydan"TV-nin meydan.tv, ölkə xaricindən yayımlanan "Turan" TV-nin turan.tv və "Azərbaycan saatı" televiziya proqramının azerbaycansaati.org saytları bloklanıb.
Məhkəmə qərarı Nəqliyyat, Rabitə və Yüksək Texnologiyalar Nazirliyinin iddiası əsasında verilib. Nazirlik iddiasının Baş Prokurorluğun müraciətinə söykəndiyini bildirib. Müraciətdə sözügedən saytlarda dövlətin maraqlarına ziyan vuran bir sıra yazıların yayıldığı iddia edilib. Ancaq müdafiə tərəfi məhkəmə prosesində iddiaların əsassız olduğunu bəyan edib.
2017-ci il martın 10-da Milli Məclisin plenar iclasında "İnformasiya, informasiyalaşdırma və informasiyanın mühafizəsi" və "Telekommunikasiya haqqında" qanunlara dəyişikliklə İnternet resurslarının dövlət qurumu tərəfindən rəsmi qaydada bloklanması qaydaları qəbul edilib.-03D-
-
- İqtisadiyyat
- 23 Aprel 2019 15:33
-
- Sual-cavab
- 23 Aprel 2019 15:54
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz