MHİ: Rafiq Tağının qətlinin üstü hələ də açılmayıb

Media Hüquqları İnstitutu bəyanatla çıxış edərək, ölümündən təxminən 2 il keçən məşhur publisist Rafiq Tağının qətlinin üstünün açılmasını pisləyib.

MHİ bu cinayət üzrə istintaqın, demək olar ki, dayandırıldığı üçün hüquq-mühafizə orqanlarını qınayır. “Bu iş üzrə istintaqın gedişində hərəkətsizlik, səmərəli addımların olmaması ciddi narahatlıq doğurur”, deyə bəyanatda qeyd edilib.

MHİ hakimiyyəti qətl faktının üstünü ən qısa zamanda açmağa və təqsirkarları məsuliyyətə cəlb etməyə çağırıb.

Rafiq Tağı 19 noyabr 2011-ci ildə hücuma məruz qalıb, ona çoxsaylı bıçaq xəsarətləri yetirilib. O, xəstəxanaya yerləşdirilib və elə həmin il noyabrın 23-də Klinik Tibb Mərkəzində vəfat edib.

Rafiq Tağı islamçılara qarşı kəskin tənqidi nəşrləri ilə məşhur idi.

Təsadüfi deyil ki, İranın klerikal dairələri əvvəlcə publisistin ölümü haqqında fətvanı alqışlayırdılar, hadisə baş verdikdən sonra isə bu cinayəti alqışladılar.

Faktla bağlı cinayət işi açılıb, işin araşdırılması Baş Prokurorluğun Ağır Cinayətlər İdarəsinə tapşırılıb. Hətta hüquq-mühafizə qurumlarının rəhbərlərindən ibarət xüsusi istintaq qrupu yaradılıb. -16D04-