Məhkəmənin bloger Mehman Hüseynovun işi üzrə polisə tabe olmamağa görə 200 manat cərimə qərarından apellyasiya instansiyasına şikayət veriləcək. Bundan başqa, polisdə Hüseynova qarşı işgəncələrlə bağlı prokurorluğa şikayət veriləcək. Bu barədə Turan-a vəkil Elçin Sadıqov bildirib.
“Dünən Mehman Hüseynovun bədənindəki xəsarətlərə, paltarındakı zədələr və qan izlərinə tərəfimdən baxış keçirilib. Həmin baxış zamanı çəkilmiş fotoşəkilləri əlavə edirəm. Bədənində olan bəzi xəsarət yerlərinin şəkillərini etika naminə hələ yaymıram”, deyə vəkil qeyd edib.
Onun sözlərinə görə, məhkəmədə "zərərçəkmiş" qismində dekabrın 23-də küçədə Mehmana hücum edən Təhməzov soyadlı bir şəxs çıxış edib.
Bundan başqa, yanvarın 10-da məhkəmədə şahidlər ziddiyyətli ifadələr veriblər və Mehmanın polisə tabe olmamasının nədən ibarət olduğunu izah edə bilməyiblər, deyə vəkil bildirib. -03B06-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz