Həsən bəy Zərdabi
Bu gün Azərbaycanda Milli Mətbuat Günüdür.
143 il əvvəl, 1875-ci il iyulun 22-də Həsən bəy Zərdabinin rəhbərliyi ilə ölkənin ilk mediası olan "Əkinçi" qəzeti çapa başlayıb.
Bundan sonra, xüsusilə XlX əsrin sonları və XX əsrin əvvəllərində çoxsaylı qəzetlər azad fikrin yayıcısına çevrilib. Hökumətlərin təqibinə baxmayaraq Azərbaycanın azad mediası öz nəşrini qonşu ölkələrdə olsa da davam etdirə bilib.
Sovet rejiminin ağır illərində Azərbaycanın bir neçə müstəqil qəzeti, o cümlədən "İstiqlal" , "Azəri türk", "Yaşıl yarpaq", "Îdlu yurd", "Bildiriş", "Yåni Qafqasya" nəşrləri Türkiyədə çap olunub.
1980-ci illərin sonlarında, Sovet rejiminin süqutu dövründə ölkədə yenidən müstəqil medianın çapı bərpa olunub. Əvvəlcə gizli yollarla azad fikrin daşıyıcısı olan qəzetlər çapa başlayıb. Nəhayət, 1989-cu il dekabrın 24-də "Azadlıq" qəzetinin leqal çap olunması Azərbaycanda yenidən müstəqil medianın çiçəklənməsini başlanğıcı olub.
1997-ci ildə senzura rəsmən ləğv olunub.
Hazırda ölkədə yüzlərlə qəzet və jurnal çap olunur. Rəsmi Bakı media azadlığının tam bərpa olunduğunu bəyan etsə də beynəlxalq təşkilatlar söz azadlığının gerilədiyini bildirir.
Son illərdə ölkədə bir jurnalist və bir publisist qətlə yetirilib. Hər iki şəxsin qatilləri və qətlin sifarişçiləri hələ də həbs edilməyib.
Azərbaycan həbsdə olan jurnalistlərin və blogerlərin sayına görə dünyada "məhbus jurnalistlər" onluğuna daxildir. Belə ki, 11 jurnalist və bloger həbsdədir.
Freedom House beynəlxalq hüquq-müdafiə təşkilatının dünyada mətbuat azadlığının reytinqində Azərbaycan 183-cü yerdədir.
"Sərhədsiz Reportyorlar" təşkilatının "2017-ci ildə dünyada mətbuat azadlığının indeksi" adlı illik hesabatında Azərbaycan 163-cı yerdədir. -03B-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz