Demokratik Qüvvələrin Milli Şurası (DQMŞ) 1 noyabr parlament seçkilərini “Azərbaycan tarixində ən biabırçı seçkilər” adlandırıb.
“Hələ seçkilərdən öncə məlum idi ki, onlar azad və ədalətli olmayacaq. Milli Şura bu barədə xəbərdarlıq etmişdi. Seçki kampaniyası dövründə də repressiv mühit qalıb, seçki komissiyaları hakimiyyətin nəzarətində olub”, - MŞ-nin noyabrın 1-də axşam yaydığı bəyanatda deyilir.
Sonra deyilir ki, kütləvi pozuntular səbəbindən demək olar ki, 500 namizəd öz namizədliyini geri götürüb.
MŞ-nin məlumatına görə, seçki günündə real olaraq seçici fəallığı 10 faizdən çox olmayıb.
“Hökumət öncədən formalaşdırılmlş “karusel” qruplarının sayəsində fəallığı süni şəkildə şişirdib. Öncədən tərtib olunan siyahının açıqlanacağı şübhə doğurmur. Bu, xalqın və beynəlxalq birliyin gözündə seçilmiş deputatlar yox, təyin edilmiş deputatlardır”, - bəyanatda bildirilir.
Sonra MŞ bildirib ki, 1 noyabr parlament seçkiləri xalqın iradəsini əks etdirmir, tamamilə saxtalaşdırılıb və legitim deyil.
“Siyasi hakimiyyət inzibati-zorakılıq yolu ilə qanunverici orqanı zəbt edib və onu xalqın etimadını qazanmayan şəxslərdən formalaşdırır. Milli Şura bəyan edir ki, bu, hakimiyyətin açıq qəsbidir. 20 ildən artıq Azərbaycanda hökmranlıq edən Əliyev rejimi növbəti dəfə hakimiyyəti xalqın əlindən alıb”, - sənəddə deyilir.–06D--
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz