Noyabr ayının 2-də Milli Şuranın Koordinasiya Mərkəzinin toplantısında ölkədə mövcud siyasi, sosial və iqtisadi durum müzakirə edilib.
KM-nin üzvləri ölkədə yaranmış ağır sosial-iqtisadi vəziyyətdən, böhran meyllərinin dərinləşməsindən, kəskin qiymət artımından ciddi narahatçılıq ifadə ediblər.
Milli Şuranın məlumatında deyilir ki, iclasda oktyabrın 31-də Bakı Apelliyasiya Məhkəməsində Qarabağ qazisi Asif Yusiflinin ədalətsiz hökmünün qüvvədə saxlanmasının sırf qanunsuzluq olduğu bildirilib. KM-nin üzvü Gözəl Bayramlının açıq telefon nömrəsindən ölümlə hədələnməsi və hüquq-mühafizə orqanlarının ölümlə təhdid faktına biganə qalmasından hiddət ifadə edilib.
Müzakirələrdə həmçinin “Nardaran işi” ilə bağlı məhkəmə prosesində baş verən qanunsuzluqlara toxunulub. Xüsusilə, istintaq zamanı təzyiq və işgəncələr altında ifadə verən şahidlərin açıq məhkəmə prosesində həmin ifadələrdən imtina etdikdən sonra müvafiq polis orqanlarında işgəncələrə məruz qalması və onlardan istintaq zamanı verdikləri ifadələri təsdiq etmələrinin tələb olunması ölkənin hüquq sisteminin hansı təhlükəli həddə gəlib çıxdığının aydın ifadəsi olduğu qeyd edilib.
Müzakirələr zamanı son günlər tanınmış jurnalist Xədicə İsmayıl və ailə üzvlərinin əxlaqsız təhdidlərə və onlayn hücumlara məruz qalması, jurnalistlərin hüquqlarını müdafiə edən vəkil Elçin Sadıqovun hədələrə məruz qalması kəskin şəkildə pislənilib. -03D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz