Azərbaycan Müdafiə Nazirliyinin nümayəndə heyəti Pakistanda ikitərəfli İşçi Qrupun iclasında iştirak edir.
Müdafiə Nazirliyinin mətbuat xidmətinin məlumatına görə, görüşdə ikitərəfli hərbi əməkdaşlığın cari vəziyyəti və perspektivləri, eləcə də görüləcək birgə tədbirlər nəzərdən keçirilib.
Tədbirin yekununda Azərbaycan Respublikasının Müdafiə Nazirliyi ilə Pakistan İslam Respublikasının Birləşmiş Qərargahı arasında ikitərəfli hərbi əməkdaşlıq Planı imzalanıb.
Sənədin məzmunu açıqlanmır.
Qeyd edək ki, son bir ayda Bakı və İslamabad arasında ikitərəfli əlaqələr ciddi şəkildə fəallaşıb. Bu ay ərzində Pakistanın ticarət nazirinin Bakıya səfəri gözlənilir, Azərbaycanın müdafiə sənayesi naziri isə İslamabada səfər edəcək.
Qeyri-rəsmi məlumatlara görə, bu səfərlər zamanı Azərbaycanın böyük partiya silah alması məsələsi həll olunacaq. Bəzi məlumatlara görə, söhbət orta məsafəli raket sistemlərindən və aviasiyadan gedir. -02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz