Noyabrın 3-də Avropa Liqası çərçivəsində “Qəbələ” və Fransanın “Sent-Etyen” klubları arasında maçla əlaqədar metronun “Xalqlar dostluğu” və “Neftçilər” stansiyalarının iş qrafiki dəyişdiriləcək.
Turan-ın məlumatına görə, “Bakı Metropoliteni” QSC-nin mətbuat xidmətinin rəhbəri Nəsimi Paşayev bildirib ki, qrafik “Qəbələ” klubunun rəhbərliyinin xahişi ilə və sərnişinlərin rahatlığı üçün dəyişdirilib.
Maç saat 22:00-da başlayır. Saat 01:00-dan sonra da sərnişin axını sıx olarsa, “Bakcell-Arena” stadionunun yaxınlığında yerləşən bu stansiyalar işini davam etdirəcək. Digər stansiyalarda giriş həmişəki kimi saat 00:00-da bağlanacaq.
Qeyd edək ki, bu gün Avropa Liqasının qrup mərhələsinin dördüncü turu keçiriləcək. Belçikanın “Anderlext”, Almaniyanın “Maynts” və Fransanın “Sent-Etyen” klubları ilə eyni qrupa düşən “Qəbələ” klubu hər üç oyunu uduzub.
Bu gün Avropa Liqasında daha bir Azərbaycan komandası – “Qarabağ” çıxış edir. Ağdamlılar dördüncü turu rəqib meydançasında Yunanıstanın PAOK klubuna qarşı keçirəcəklər. İtaliyanın “Fiorentinli”, Çexiyanın “Slavia” və Yunanıstanın “PAOK” klubları ilə bir qrupda çıxış edən “Qarabağ”ın üç turdan sonra 4 balı var və ikinci və üçüncü yerləri yunanlarla bölüşür. “Qarabağ”ın maçı Bakı vaxtı ilə saat 00:05-də başlayacaq. -71D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz