Maliyyə Bazarlarına Nəzarət Palatası «Avromed Company»nin səhmlərini qeydiyyata alıb, deyə Palata məlumat verir.
Turan-ın məlumatına görə, MBNP hər birinin nominalı 50 manat olan 1140 səhmi qeydiyyata alıb.
Qeyd edək ki, «Avromed Company» MMC kimi 2001-ci ildən fəaliyyət göstərir.
Bu ildən təşkilati-hüquqi formasını QSC-yə dəyişib. Nizamnamə kapitalı 57 min manatdır.
Mətbuatda şirkətin deputat Cavanşir Feyziyevə məxsus olması barədə informasiyalar yayılır. Qeyd edək ki, rəsmi sənədlərdə şirkətin rəhbəri Baxşıyeva Əzizə Cavanşir qızıdır. –71D-
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz