![Milli Teleradio Şurası ANS telekanalını 160 min manat cərimə etdi](https://turan.az/resized/media/2015/main/122300141363-750-500-resize.webp)
Milli Teleradio Şurası ANS telekanalını 160 min manat cərimə etdi
Çərşənbə günü Milli Teleradio Şurasının növbəti iclası keçirilib. İclasda ANS teleradio kanalının reklam haqqında qanunun müddəalarını pozması faktları qeyd edilib.
Milli Teleradio Şurasının məlumatında çoxsaylı pozuntu halları sadalanır, hər bir hal üzrə ANS müəyyən məbləğdə cərimə olunur.
Cərimənin ümumi məbləği 161000 manat təşkil edir.
Xatırladaq ki, bir müddət əvvəl bu telekanal analoji pozuntulara görə 140000 manat cərimə olunmuşdu.
Elə həmin iclasda Milli Teleradio Şurası SPACE telekanalında gedən "Sevimli şou" və "Məhəbbət əhvalatları" verilişlərini tənqid edib, milli mentalitetə zidd adlandırıb. Telekanala xəbərdarlıq edilib. -0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz