Kürdəmir rayon Mollakənd-Axtaçı-Öylənqulu avtomobil yolunun tikintisi zamanı yol verilən qanunsuzluqlara dair Hesablama Palatasından daxil olan materiallar Baş prokuror yanında Korrupsiyaya qarşı Mübarizə Baş İdarəsində araşdırılır. Bu xəbər Respublika Prokurorluğundan verilib.
Müəyyən edilib ki, “Avtotransyol” MMC sədri Əfqan Zeynalov Kürdəmir rayon icra hakimiyyətinin Memarlıq və Tikinti şöbəsinin müdiri, baş memar Şərif Əsgərovla əlbir olaraq, 2 milyon 161 min manat dəyərində işin yerinə yetirilməsi haqda saxta sənədlər tərtib edərək dövlət vəsaitini mənimsəyiblər.
Yol tikintisində işin keyfiyyətli görülməməsi nəticəsində yolun bir hissəsinin dağılması ilə dövlətə daha 143 min manat ziyan vurulub. Dövlətə belə ziyanlar vurmalarına şübhələr yarandığı üçün Ə.Zeynalov və Ş.Əsgərov barəsində Cinayət Məcəlləsinin 179.3.2-ci (mənimsəmə və ya israf etmək), 308.2-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələrilə ittiham elan edilib.
Hər iki şəxs barəsində həbs-qətimkan tədbiri seçilib, iş üzrə istintaq tədbirləri davam edir.
2012-ci il martın 7-də dövlət başçısı İlham Əliyevin sərəncamı ilə adı çəkilən yol tikintisi üçün 3 milyon manat vəsait ayrılıb. 28 kilometrlik yol rayonun 14 min əhalisi yaşayan 13 kəndini birləşdirir. Yol tikintisi bu ilin fevralında başa çatıb.
2014-cü ilin noyabrında Hesablama Palatası bu yol tikintisində işlərin yararsız görülməsi, maliyyə pozuntularına yol verilməsilə dövlətə külli miqdarda ziyan vurulması ehtimalını nəzərə alaraq, materialları Baş Prokurorluğa göndərmək haqda qərar qəbul edib. -05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz