Mingəçevir İES-də baş vermiş qəza nəticəsində Azərbaycanın böyük hissəsi işıqsız qalıb
Bakı/03.07.18/Turan: Gecəyarısına yaxın Mingəçevir İES-də baş vermiş qəza səbəbindən paytaxt, həmçinin Gəncə və Sumqayıt da daxil olmaqla, Azərbaycanın böyük hissəsi işıqsız qalıb.
"Azərenerji" Dövlət Şirkətinin bəyanatına görə, anomal isti səbəbindən Mingəçevir İES-də sistem avadanlığı sıradan çıxıb.
Səhərə yaxın Gəncə və ətraf rayonlara, Bakının böyük bir hissəsinə, Sumqayıt və ölkənin mərkəzi rayonlarına elektrik enerjisinin verilməsi bərpa edilib.
Enerji təchizatında fasilələrlə əlaqədar Bakı metropoliteninin "Avtovağzal-Memar Əcəmi-2" xəttində qatarların hərəkəti müvəqqəti dayanıb.
Bununla əlaqədar həmin marşrutda sərnişinlərin daşınması üçün avtobuslar ayrılıb.
Dəmir yolu marşrutlarında qatarların hərəkət qrafikində yubanmalar yaranıb.
İyulun 3-də Bakı-Sumqayıt-Bakı qatarı ləğv edilib.
"Azərsu" şirkəti bildirib ki, gecə Kürdə sutəmizləyici qurğuların dayandırılması ilə əlaqədar iyulun 3-də Bakının bəzi yerlərində su təchizatında fasilələr olacaq.06D--
https://www.facebook.com/azadliqradiosu/videos/2186447121382740/
Cəmiyyət
-
Oktyabrın 29-u gecə saatlarından Bakıda "Vosmoy bazarı" kimi tanınan "8-ci km bazarı" ticarət mərkəzinin ətrafında obyekt və piştaxtalar sökülür. Rəsmilər bunu həmin obyektlərin küçə ticarəti kimi fəaliyyət göstərməsi ilə əlaqələndirir. İllərdir Azərbaycanda küçə ticarəti mübahisə predmeti olub. Zaman-zaman bu məsələdə şikayətlər eşidilir.
-
“Uşaq Qaynar Xətti” 2024-cü ilin 3-cü rübünün nəticələrini açıqladı 2024-cü ilin iyul, avqust, sentyabr ayları ərzində “Azərbaycan Uşaq Qaynar Xətt” xidmətinə (AUQX) ümumilikdə 481 müraciət daxil olub. Xidmətin təqdim etdiyi hesabata əsasən, müraciətlərin 138-i hüquqi məsələlər, 63-ü psixoloji dəstək, 41-i sosial çətinliklər, 38-i təhsil problemləri, 5-i isə səhiyyə sahəsinə aid olub. Digər kateqoriyaya daxil olan və naməlum zənglərin sayı 196 təşkil edib.
-
Noyabr ayında havanın orta aylıq temperaturu əsasən iqlim normasına yaxın olacaq. Aylıq yağıntının miqdarı bəzi ərazilərdə normadan bir qədər çox olacaq.
-
Cümə günü, noyabrın 1-də paytaxtda və Abşeron yarımadasında yağıntı gözlənilmir. Axşam bəzi yerlərdə duman olacağı ehtimal olunur. Şimal-qərb küləyi günün ikinci yarısında cənub-şərq küləyinə keçəcək.
Rəy yaz