Azərbaycan paytaxtından 275 km qərbdə yerləşən Mingəçevirdə avqustun 20-də yerli sakin Bəhruz Hacıyevin polis şöbəsində ölümü şənbə günü kütləvi etiraz aksiyasına səbəb olub.
Yüzlərlə insan, əsasən gənc oğlanlar mərkəzi küçələrə çıxıblar, burada polis dəstələri ilə qarşıdurmalar olub.
Şəhərə xüsusi polis dəstələri cəlb edilib. Onlarla insan həbs olunub.
Kortəbii etiraz aksiyası dəfndən sonra başlayıb. Dəfn zamanı Hacıyevin polis bölməsində işgəncələrdən sonra intihar etdiyi məlum olub. O, üçüncü mərtəbədən pəncərədən özünü atıb və dünyasını dəyişib.
Sonuncu belə etiraz aksiyaları və polislə qarşıdurmalar 2013-cü ilin yanvarında İsmayıllıda və 2012-ci ilin martında Qubada baş verib. Həmin aksiyalara hakimiyyət nümayəndələri tərəfindən təhqirlər səbəb olub.
Azərbaycanın ölçüsünə görə dördüncü şəhəri – Mingəçevir ölkənin sosial cəhətdən ən gərgin meqapolislərindən biridir. Sovet illərində əsas energetika və sənaye, elm, təhsil və mədəniyyət mərkəzi olub. Vaxtilə inkişaf etmiş sənaye mərkəzi bu gün tənəzzülə uğrayıb. Statistikaya görə 120 mindən çox insanın yaşadığı şəhərdə, xüsusən, gənclər arasında yüksək səviyyədə işsizlik və əhalinin rifahının aşağı səviyyəsi qeydə alınır. -0-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz