![Minsk məhkəməsi Lapşinin Azərbaycana verilməsi barədə qərarı təsdiqləyib](https://turan.az/resized/750/500/resize/media/2017/main/012700181541.jpg)
Minsk məhkəməsi Lapşinin Azərbaycana verilməsi barədə qərarı təsdiqləyib
Yanvarın 26-da Minsk Şəhər Məhkəməsi Rusiya-İsrail vətəndaşı olan bloger Aleksandr Lapşinin Azərbaycana verilməsi barədə Belarusun baş prokurorunun müavini Aleksey Stukun qərarını qüvvədə saxlayıb. Məlumatı “Alman dalğası” radiostansiyası yayıb.
Blogerin vəkili bildirib ki, qərardan Ali Məhkəməyə şikayət verəcək ki, bunu da 10 gün müddətində etmək mümkündür.
Xatırladaq ki, Rusiya və İsrail vətəndaşı Aleksandr Lapşin Azərbaycanın sorğusu ilə dekabrın 14-də Minskdə saxlanılıb. Azərbaycan onu Dağlıq Qarabağa qanunsuz səfərlərdə və Azərbaycan dövlətçiliyinə qarşı hərəkətlərdə ittiham edərək barəsində axtarış elan edib.
Lapşin müxtəlif vaxtlarda Dağlıq Qarabağa səfər edərək Azərbaycan əleyhinə çıxışlar edib, Qarabağın müstəqilliyinin tanınmasına çağırıb.
Bundan sonra o, saxta sənədlərlə Azərbaycan ərazisinə gəlib.
İsrail XİN Belarus hakimiyyətinə müraciət edərək Lapşini Azərbaycana verməməyi xahiş edib. Rusiya XİN də analoji xahişlə Minskə müraciət edib.
Lapşin Minskdə həbsdə olarkən prezident İlham Əliyevdən yazılı şəkildə üzr istəyib. Ancaq Lapşinin erməni vəkilləri bildiriblər ki, bloger Dağlıq Qarabağa səfər etdiyinə görə üzr istəməyib, sadəcə, baş verənlərə görə təəssüfləndiyini yazıb.-02D-
-
- Cəmiyyət
- 27 Yanvar 2017 13:17
-
- İqtisadiyyat
- 27 Yanvar 2017 13:31
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz