![Sumqayıtlı fəhlə: «Pulumuzu gözləyirik»](https://turan.az/resized/./turan-750-500-resize.webp)
Sumqayıtlı fəhlə: «Pulumuzu gözləyirik»
Sumqayıtdakı «SOCAR Ammonia and Urea Complex» karbamid və ammonyak istehsalı müəssisəsinin işçiləri yanvarın 27-də səhər saatlarından maaşların gecikməsi ilə bağlı etiraz aksiyası keçiriblər.
Bu barədə müəssisənin əməkdaşı Ülfət Həsənqarayev Azadlıq Radiosuna məlumat verib.
«Maaşları yubadırlar, biz indi dekabr ayının maaşını alacağıq . Bizə pulu «Atilla-Makina» şirkəti ödəyir», deyə o bildirib və qeyd edib ki, pulları ana şirkət olan «Samsung» ödəyir.
Onun sözlərinə görə, “Samsung»un nümayəndələri pulları «Atilla-Makina»ya vaxtında ödədiklərini bildiriblər.
Həsənqarayev deyib ki, bu, fəhlələrin ilk etirazı deyil. Dekabr ayında da maaşda belə yubanma olub. Ancaq etirazlardan sonra noyabrın maaşlarını ala biliblər. «İndi də bizə dedilər ki, gedirik maaşları gətirməyə».
Məsələyə, hələlik, zavod rəhbərliyinin və sözügedən şirkətdən münasibət almaq mümkün olmayıb.
Günortaya yaxın müəssisənin əməkdaşı Ülfət Həsənqarayev Azadlıq Radiosuna deyib ki, bütün işçilərin maaşları ödənilib. Ancaq o qeyd edib ki, onlara yalnız dekabr ayının maaşları verilib.
«SOCAR Ammonia and Urea Complex» müəssisəsi tikinti mərhələsindədir və onu SOCAR və Samsung Engineering Co Koreya şirkəti həyata keçirir.
Zavod 2017-ci ildə istismara verilməlidir. Onun sutkada 1200 ton ammonyak və 2000 ton karbamid istehsal edəcəyi gözlənilir. –0—
-
- Cəmiyyət
- 27 Yanvar 2017 13:21
-
- İqtisadiyyat
- 27 Yanvar 2017 13:46
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz