MOK-un vitse-prezidenti: �Ramil Quliyev indi qəhrəmandır, 6 il öncə isə fərarilik etmişdi�

Bakı/16.08.17/Turan: Avqustun 15-də mətbuat konfransında Milli Olimpiya Komitəsinin vitse-prezidenti, Yüngül Atletika Federasiyasının rəhbəri Çingiz Hüseynzadə onun sosial şəbəkələrdə və KİV-də idmançı Ramil Hüseynovun barəsində mənfi fikirlərilə bağlı tənqidə cavab verməyə çalışıb.

R.Quliyev beynəlxalq yarışlara hazırlaşmasına şərair yaradılmadığına görə vaxtilə Türkiyəyə gedib və bu ölkənin vətəndaşlığını qəbul edib.

Azərbaycan Federasiyası cavab olaraq Türkiyə yığmasına daxil olmamaq barədə üçillik karantinə əməl olunmasını tələb edib.

Ötən həftə R.Quliyev 200 metr məsafəyə qaçış üzrə dünya çempionu olub.

Avqustun 15-də keçirilən mətbuat konfransında Ç.Hüseynzadə onun qələbəsini "tarixi qələbə" adlandırıb.

Onun sözlərinə görə, Londonda Azərbaycan nümayəndə heyəti qalibi təbrik edib.

Məlum olub ki, hələ finaldan öncə Azərbaycan nümayəndə heyəti R.Quliyevin qələbəsini proqnozlaşdırıb və Türkiyə Federasiyası ilə razılığa gəlib ki, belə olduğu halda hər iki ölkənin bayrağını qaldıracaq.

Sonra o, jurnalistləri "qeyri-peşəkarlıqda və ucuz sensasiya dalınca qaçmaqda" ittiham edib.

"Ramil Quliyev Azərbaycandan 7 il əvvəl gedib. 6 il öncə verdiyim müsahibəni mənə xatırladırlar. Heç nəyi inkar etməyəcəm. Sözümün üstündə dururam. Bu gün o, qəhrəmandır, biz onunla fəxr edirik. Ancaq 6 il öncə dediklərimi təkrar edirəm ki, o zaman o, fərarilik etmişdi", - Ç.Hüseynzadə vurğulayıb.

O həmçinin dünya KİV-lərində çıxış edərək onlara vəd edilən qonorarı almadıqlarını bildirən efiopiyalı legionerləri nankorluqda ittiham edib.

Onun sözlərinə görə, Layeş Abdullayeva Azərbaycanda qazandığı pullarla öz ölkəsində özünə ev alıb, bisnes qurub.06D--