Oktyabrın 9-da saat 15.00-da Moskvada Azərbaycan səfirliyi qarşısında bir qrup yerli hüquq müdafəçiəsi etiraz aksiyası keçirib. Onlar Bakıda həbs edilmiş Leyla və Arif Yunusa azadlıq tələb ediblər.
Aksiyanın təşəbbüskarı Rusiyanın məşhur hüquq müdafiəçisi Svetlana Qannuşkina olub. Aksiya iştirakçılarından biri – Varvara Parxomenko öz facebook səhifəsində yazıb ki, polis əməkdaşları aksiyaya gəliblər və bütün plakatların məzmununu köçürüblər.
Bu zaman hakimiyyət ümumi etiraz aksiyasına icazə verməkdən imtina edərək, yalnız ayrı-ayrı piketlərə icazə verib.
Lakin “polislərin yığıncağı sayəsində” Azərbaycanlı hüquq müdafiəçilərinə dəstək üçün keçirilən ayrı-ayrı piketlər ümumi piket kimi görünüb. -16D-
Cəmiyyət
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
Rəy yaz