Cümə axşamı Qaradağ rayon məhkəməsi 12 saylı cəzaçəkmə müəssisəsində keçirilən səyyar iclasında bu müəssisə rəhbərliyinin İslam Partiyasının lideri Mövsüm Səmədovun 2 il müddətinə Qobustan həbsxanasına köçürülməsi haqqında təqdimatını təmin edib.
Bu qərar guya Səmədovun nizam-intizamı pozması ilə əsaslandırılıb, bu barədə Turan-a AİP sədri səlahiyyətlərini icra edən Elçin Manafov bildirib.
Cəzaçəkmə müəssisəsinin binası önünə 50-yə yaxın islamçı gəlib, lakin onlar prosesə buraxılmayıblar. İctimai dəstək qrupu, o cümlədən jurnalistlər cəzaçəkmə müəssisəsinin qapılarından uzaqlaşdırılıb, deyə Manafov bildirib. Onun fikrincə, Səmədovun cəza rejiminin sərtləşdirilməsi siyasi motivlərlə bağlıdır.
Vəkil Anar Qasımlı Turan-a bildirib ki, məhkəmənin qərarından apellyasiya şikayəti veriləcək. Onun sözlərinə görə, rejimin sərtləşdirilməsi əsassızdır.
Belə ki, Səmədov karserdə yerə yorğan sərib namaz qılmaqla “dövlət əmlakına ziyan vurmaqda” ittiham ediblər.
* Mövsüm Səmədov Partiya Məclisində Azərbaycan hakimiyyətini kəskin tənqid etdikdən beş gün sonra - 7 yanvar 2011-ci ildə həbs edilib.
Oktyabrın 7-də Səmədov və daha 6 AİP fəalı və ilahiyyatçı hakimiyyəti ələ keçirməyə cəhd, qanunsuz silah saxlamaq və digər cinayətlərdə ittiham olunaraq, uzunmüddətli həbs cəzalarına məhkum ediliblər.
Səmədov 12 il cəza alıb. Avropa İnsan Hüquqları Məhkəməsi onun işi üzrə kommunikasiyaya başlayıb. -06B-
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz