İddiaçı Xədicə İsmayılovanın təqsiri ilə bağlı sübut təqdim etmədi (YENİLƏNİB)
Binəqədi rayon məhkəməsində Elman Həsənovun (Türkoğlu) jurnalist Xədicə İsmayılovaya qarşı iddiası üzrə məhkəmə iclası keçirilib.
Məhkəmənin mühafizə xidməti hakimin qərarına əsaslanaraq, jurnalistləri və ictimaiyyət nümayəndələrini zala buraxmayıb. Lakin hakim Sədrəddin Hacıyev özü prosesdə bildirib ki, belə bir göstəriş verməyib.
Bu barədə məhkəmənin iclasından sonra İsmayılova özü Turan-a bildirib. Onun sözlərinə görə, iddiaçı öz bəyanatına İsmayılovanın Həsənovu nüfuzdan salan material yaydığı deyilən iki səhifə əlavə edib.
Lakin iddiaçı bu materialların jurnalistin facebook səhifəsindən götürüldüyü barədə dəlil təqdim etməyib.
İsmayılova deyib ki, o, Həsənovun adı keçən material yaymayıb. Buna görə o, məhkəmədə nədə ittiham olunduğunun ona aydın olmadığını, buna görə ifadə verməkdən imtina etdiyini bildirib.
Müdafiə tərəfi həmçinin İsmayılovanın bu işlə əlaqəsi olduğunu sübut edən dəlillərin, daha dəqiq isə onun facebook səhifəsindən Türkoğlunun adı keçən materialın yayıldığını təsdiq edən skrinşotun təqdim edilməsi barədə vəsatət qaldırıb.
Bundan başqa, müdafiə tərəfi Baş Prokurorluğun Ağır Cinayətlər üzrə İstintaq İdarəsindən İsmayılovanın 2014-cü ilin fevral-mart yalarında jurnalistin dövlət sirri yayması haqqında ittihamların araşdırılması zamanı bu iş üzrə verdiyi ifadələrin istənilməsi barədə vəsatət verib.
İsmayılovanın sözlərinə görə, hakim hər iki vəsatəti təmin edib və növbəti iclası 10 oktyabr saat 17:00-a təyin edib.
İsmayılovanın vəkili Elton Quliyev müvəkkilinin təqsirinin heç bir sübutu olmadığını bildirib. -06B-
* * *
2014 Oktyab 09 (Cümə axşamı) 16:17:37
Oktyabrın 9-da Binəqədi rayon məhkəməsində başlayan jurnalist Xədicə İsmayılovaya qarşı iddia üzrə proses qapalı rejimdə keçiriləcək. Turan-ın müxbirinin verdiyi məlumata görə, bu qərarı hakim Sədrəddin Hacıyev qəbul edib.
Xatırladaq ki, iddia Klassik Xalq Cəbhəsi Partiyasının keçmiş fəalı Elman Həsənov tərəfindən verilib. O, jurnalisti böhtanda, şərəf və ləyaqətin təhqir edilməsində ittiham edir. İddiaçının versiyasına görə, jurnalist Milli Təhlükəsizlik Nazirliyinin Həsənovun gizli casus olması haqqında məxfi sənədini yayıb.
Bu hakimin prosesin qapalı keçiriləcəyini elan etməsi üçün əsas verib. Beləliklə, jurnalistlər, İsmayılovanın yaxınları və prosesdə iştirak etmək istəyən digər şəxslərin zala girişi qadağan edilib.
Milli Şuranın rəhbəri Cəmil Həsənli bununla əlaqədar bildirib ki, yayılmış sənəd üzrə prosesi qapalı keçirməyin heç bir mənası yoxdur.
Proses başlamazdan əvvəl jurnalist özü Turan agentliyinə bildirib ki, məhkəmə prosesi özü təxribatdır.
Xatırladaq ki, Həsənovu “təhqir edən” sənəd bir neçə il əvvəl facebook-da yayılıb. İsmayılova sənəddə göstərilən adları silərək, ondan istifadə edib. Öz növbəsində, MTN bu sənədi məxfi olmadığını bildirib. Bununla belə, məhkəmə iddianı qəbul edib və prosesi qapalı keçirməyi qərara alıb. Bu, hakimiyyətin istənilən yolla İsmayılovanı məsuliyyətə cəlb etməkdə və bunun təfsilatının ictimaiyyətə məlum olmamasında maraqlıdır. -16/03B-
Cəmiyyət
-
Baş Prokurorluq Kənd təsərrüfatı mallarının ixracı ilə əlaqəli olan və bundan əldə olunan vəsaiti ölkəyə qaytarmayan vəzifəli şəxslərin növbəti qrupunun "ifşa" edildiyini bildirib.
-
Oktyabrın 26-da saat 04:35-də Azərbaycandan Rusiya istiqamətində hərəkət edən yük qatarının vaqonunda yüklərin arasında gizlənərək dövlət sərhədini qanunsuz keçməyə cəhd göstərən şəxs Dövlət Sərhəd Xidməti əməkdaşlarının sayıqlığı nəticəsində saxlanılıb.
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
Rəy yaz