Azərbaycan İslam Partiyasının (AİP) lideri Mövsüm Səmədovun Qobustan həbsxanasına qaytarılmasına hazırlıq gedir.
AİP fəalları, o cümlədən M.Səmədov 2011-ci ilin yanvarında həbs edilib. Onlar terrorizm, hakimiyyətin ələ keçirilməsinə cəhd və digər cinayətlərdə ittiham olunurlar. 2011-ci il oktyabrın 7-də Bakı Ağır Cinayətlər Məhkəməsi onları bütün ittihamlar üzrə təqsirli bilib. M.Səmədov 12 il azadlıqdan məhrum edilib. 2014-cü ilin payızında onun saxlanma şəraiti sərtləşdirilib və iki illiyə Qobustan həbsxanasına göndərilib.
2016-cı il noyabrın 28-də əvvəllər saxlandığı 12 saylı koloniyaya qaytarılıb və növbəti gün 15 sutkalığa karserə salınıb.
Vəkil Yalçın İmanov Turan-a bildirib ki, martın 6-da M.Səmədov beş sutkalığa karserə salınıb. Koloniya administrasiyası M.Səmədovun cəzalandırılmasını məhkumlar üçün yataqxanada (barak) namaz qılması ilə əsaslandırıb.
Martın 18-də M.Səmədovu daha 3 sutkalığa cərimə kamerasına salıblar.
Martın 20-də axşam digər cərimə kamerasında yaşlı məhbusu döyüblər. M.Səmədov qapını döyərək nəzarətçiləri heç olmasa bayram günlərində zorakılıq etməməyə çağırıb. Ancaq bu, nəzarətçiləri daha da qəzəbləndirib. Martın 21-də onu 12 saylı koloniyanın rəisinin yanına aparıblar. O, M.Səmədovun 2 ay müddətinə biradamlıq kameraya salınmasını qərara alıb.
Vəkilin sözlərinə görə, M.Səmədov 6 il, 3 aydır ki, həbsdədir. Bunun ancaq 2,5 ilini açıq havada olub. Qalan vaxtlar qapalı şəraitdə saxlanılır. Bu və tez-tez karserə salınması səbəbindən ürək və böyrək ağrıları kəskinləşib.
Martın 27-də Y.İmanov 12 saylı koloniyanın rəisi Rauf Məmmədovun qəbulunda olub və S.Mövsümova qarşı pis rəftartın səbəbləri ilə maraqlanıb.
“Rauf Məmmədov Mövsüm Səmədovun Qobustan həbsxanasına qaytarılmasına hazırlığın getdiyini inkar etməyib. Rəis bunun səbəblərini onunla izah etdi ki, Mövsüm Səmədov Azərbaycan dövlətini sevmir və buna görə də onun cəzası qanunidir”. Bundan əlavə, Rauf Məmmədov vəkil kimi məni də “Vətəni sevməməkdə” ittiham etdi”, - Y.İmanov vurğulayıb.
O deyib ki, yerli və beynəlxalq hüquq-müdafiə təşkilatlarına, həmçinin Qırmızı Xaç Komitəsinə müraciət edəcək ki, onlar M.Səmədovun məhkəməsinə diqqəti artırsınlar.
Penitensiar Xidmətin ictimaiyyətlə əlaqələr şöbəsində bildiriblər ki, vəkillərin bəyanatlarını şərh etmirlər. Ancaq məhkumlar daxili nizam-intizama riayət etməlidirlər. Əks halda, onların barəsində cəza tədbirləri həyata keçirilir. Əgər onlar bununla razı deyilsə, Penitensiar Xidmətə və Ədliyyə Nazirliyinə müraciət edə bilər.–06D--
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz