Bakı şəhər meriyası “Təzə Pir” məscid kompleksinin yerləşdiyi küçənin adını dəyişib.
Mustafa Sübhi adını daşıyan küçə bu gündən etibarən Nabat xanım Aşurbəyova adını daşıyacaq.
Xatırladaq ki, Qafqaz Müsəlmanları İdarəsinin (QMİ) sədri, Şeyxülilsam Allahşükür Paşazadə küçənin adının dəyişdirilməsilə bağlı Bakı meriyasına müraciət ünvanlamışdı. Meriya isə küçə adlarını dəyişmək səlahiyyəti olmadığını bildirmişdi.
Bakı meriyasının açıqlamasına görə, dövlət başçısının tövsiyəsilə meriya küçənin adını dəyişib.
Nabat xanım Aşurbəyova Bakının məşhur milyonçuları olan Aşurbəyovlar nəslinin qızıdır. Bakıda “Təzə Pir” və “Əjdərbəy” (Göy məscid) məscidlərini tikdirib. Qəbri tikdirdiyi “Təzə Pir” məscidinin giriş qapısının sağında yerləşir.
Xatırladaq ki, Mustafa Sübhi XX əsrin 20-ci illərində Türkiyə kommunist partiyasının qurucusu və əqidəsinə görə ateist olub. 1921-ci ildə Trabzonda bir neçə kommunist yoldaşı ilə birgə ələ keçirilib və güllələnələrək cəsədi dənizə atılıb. -05D-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz