![MTN işçiləri Nehrəm sakinini oğurlamağa çalışıblar](https://turan.az/resized/750/500/resize/media/2013/main/013100026738.jpg)
MTN işçiləri Nehrəm sakinini oğurlamağa çalışıblar
Saat 15.30 radələrində mülki geyimli bir qrup şəxs Naxçıvanın Nehrəm kənd sakini Əşrəf Həsənovun həyətinə girərək, onu oğurlamağa çalışıblar. Bu barədə Turan-a Həsənov özü bildirib.
“Bir neçə saat əvvəl mənə özünü MTN Babək şöbəsinin əməkdaşı kimi təqdim dən bir nəfər zəng etdi və rəisin yanına gəlməyimi tələb etdi. Bunun səbəbi ilə bağlı sualıma cavabda zəng edən şəxs soruşmamağı, oraya gəlməyi tələb edib. Mən imtina etdim və iki saat sonra 10-12 nəfər evimə hücum edərək, məni zorla tutub aparmaq istədilər”, deyə Həsənov bildirib.
Öz növbəsində, onun həyat yoldaşı aşağıdakıları deyib: “Naməlum şəxs qapını döydü, nə istədiyini soruşdum, o, həyat yoldaşımı aparmağa gəldiyini bildirdi. Başa düşdüm ki, onu həbs etmək istəyirlər və səs-küy qaldırdım. Bu zaman bir neçə nəfər hasardan atlayaraq məni və nəvələrimi yıxdılar. Onlar evə girməyə çalışdılar, amma səs-küyə qonşular gəldilər. Onlardan böyük olanı kiməsə zəng edib, Əşrəfi saxlamağa imkan olmadığını bildirdi. Amma əlavə etdi ki, tezliklə qayıdacaqlar və həyat yoldaşımı həbs edəcəklər”.
Naxçıvan MTN-dən şərh almaq qeyri-mümkün görünür. Qeyd edək ki, Əşrəf Həsənov ötən həftə Bakıda mətbuat konfransı keçirib və MTN işçilərinin siyasi fəaliyyəti ilə əlaqədar ona təzyiq göstərdiyini bildirib. Əşrəf Həsənov İctimai Palatanın yerli təşkilatının üzvüdür. -02В-
-
- Cəmiyyət
- 31 Yanvar 2013 16:40
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz