![Müdafiə Nazirliyi: Döyüş bölgəsində xidmət edən zabitlərin pul təminatının azaldılması barədə fikirləri təkzib edib](https://turan.az/resized/media/2013/main/013100026742-750-500-resize.webp)
Müdafiə Nazirliyi: Döyüş bölgəsində xidmət edən zabitlərin pul təminatının azaldılması barədə fikirləri təkzib edib
Yanvarın 30-da “Ehtiyatda və İstefada olan Zabitlər” İctimai Birliyi tərəfindən Müdafiə Nazirliyinin hərbi hissələrində xidmət etmiş hərbi qulluqçuların hüquqlarının pozulması ilə bağlı mətbuat konfransı keçirilib.
Mətbuat konfransında bildirilib ki, cəbhə bölgəsində xidmət edən zabitlərə üçqat əmək haqqının verilməsi barədə hökumətin qərarı qüvvədə olduğu halda müdafiə naziri Səfər Əbiyev 1998-ci ilin iyun ayında əmək haqqının ikiqat ödənilməsi barədə əmr imzalayıb və bu əmr hərbi hissələrdə dərhal icra yönəldilib. Tədbirin təşkilatçıları bununla bağlı prezident İlham Əliyevə, Ombudsman Elmira Süleymanovaya və Ali Məhkəmənin sədri Ramiz Rzayevə müraciət imzalayıb. Həmçinin zabitlər məsələ ilə bağlı Müdafiə Nazirliyi qarşısında etiraz aksiyası keçirmək barədə qərar qəbul ediblər.
Öz növbəsində, Müdafiə Nazirliyinin mətbuat xidmətinin «Ehtiyatda və İstefada Olan Zabitlər» İctimai Birliyinin keçirdiyi mətbuat konfransında səsləndirilmiş fikirlərə dair yaydığı açıqlamada mətbuat konfransında deyilən fikirləri təkzib edib.
“Döyüş bölgəsində xidmət edən zabitlərin pul təminatının azaldılmasına dair səslənən fikirlər həqiqəti əks etdirmir və bir sıra hallarda şişirdilmiş «faktlarla» ictimai rəydə çaşqınlıq yaradır”, deyə məlumatda qeyd olunub.
Həmçinin bildirilir ki, Nazirlər Kabinetinin 8 iyun 1998-ci il tarixli qərarı ilə hərbi qulluqçuların vəzifə maaşları orta hesabla 3.5, hərbi rütbəyə görə maaşlar isə orta hesabla 2 dəfə artırılıb.
Həmin qərarla da döyüş əməliyyatlarında iştirak edən hərbi qulluqçuların vəzifə və rütbə maaşları ikiqat həcmdə ödənilməyə başlanılıb: “Bildiririk ki, Nazirlər Kabinetinin bu qərarı təkcə Müdafiə Nazirliyinə deyil, həm də döyüş əməliyyatlarında iştirak etmiş digər güc strukturlarının hərbi qulluqçularına da şamil olunub. Müdafiə nazirinin müvafiq əmri də məhz Nazirlər Kabinetinin həmin qərarına əsaslanıb. Beləliklə, adı çəkilən normativ hüquqi aktların qəbul edilməsi nəticəsində döyüş bölgəsində xidmət edən hərbi qulluqçuların pul təminatı nəinki azalıb, əksinə orta hesabla 2.5 dəfə artıb. Bu səbəblərə görə də ictimai birliyin Müdafiə Nazirliyinə qarşı qaldırdığı iddialar məhkəmələr tərəfindən rədd edilib”. -16D-
-
- İqtisadiyyat
- 31 Yanvar 2013 15:48
-
- Cəmiyyət
- 31 Yanvar 2013 16:26
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz