MTN Pakistan, İraq və Suriyada qanunsuz silahlı birləşmələrdə iştiraka görə 7 nəfəri saxlayıb
Milli Təhlükəsizlik Nazirliyi (MTN) keçirdiyi anti-terror əməliyyatları nəticəsində Azərbaycanın hüdudlarından kənarda qanunazidd silahlı münaqişələrdə iştiraka görə Azərbaycan vətəndaşları Aydın Qaragözov, Hafiz Ramizzadə, Telman Bəkirov, Mübariz Tahirov, Cavid Qasımov, Fəzail Vəlizadə və Tural Məmmədovu şübhəli şəxs qismində tutub.
Milli Təhlükəsizlik Nazirliyinin İctimai Əlaqələr İdarəsinin məlumatına görə, faktlarla bağlı nazirliyin İstintaq Baş İdarəsində Cinayət Məcəlləsinin 12.1, 279.1-ci (Azərbaycan Respublikasının ərazisindən kənarda qanunvericilikdə nəzərdə tutlmayan silahlı birləşmə və ya qruplar yaratma) və 283-1.3-cü (milli, irqi, sosial və ya dini nifrət və düşmənçiliyin salınması) maddələri ilə cinayət işi başlanıb.
Aydın Qaragözov, Hafiz Ramizzadə, Telman Bəkirov, Mübariz Tahirov, Cavid Qasımov, Fəzail Vəlizadə və Tural Məmmədov təqsirləndirilən şəxs qismində cəlb olunaraq məhkəmənin qərarları ilə barələrində həbs-qətimkan tədbiri seçilib.
Müəyyən edilib ki, Hafiz Ramizzadə və Aydın Qaragözov Pakistan ərazisində həmin dövlətin və Azərbaycanın qanunvericiliyi ilə nəzərdə tutulmayan silahlı birləşmələrin fəaliyyətində iştirak edib. Belə ki, Hafiz Ramizzadə 2007-2012-ci illərdə, Aydın Qaragözov isə 2011-2013-cü illərdə Pakistanın Vəziristan vilayətində “Təhriki Taliban” adlı qanunsuz silahlı birləşmənin tabeliyindəki “Tayfatul Mansura” adlı silahlı dəstənin fəaliyyətində iştirak edib.
Təqsirləndirilən digər şəxslər Telman Bəkirov, Mübariz Tahirov, Cavid Qasımov, Fəzail Vəlizadə və Tural Məmmədov 2014-2015-ci illər ərzində müxtəlif vaxtlarda Suriyanın və İraqın ərazisində həmin dövlətlərin, habelə Azərbaycan qanunvericiliyi ilə nəzərdə tutulmayan ayrı-ayrı silahlı birləşmələrin, o cümlədən “İŞİD” terrorçu təşkilatının fəaliyyətində iştirak edib. -03D-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz