Müdafiə Nazirliyinin cəbhəyanı zonada həyata keçirdiyi yoxlamalar zamanı bəzi hərbi qulluqçuların rütbəsi kiçildilib, bəziləri isə vəzifədən kənarlaşdırılıb. Eyni zamanda, nailiyyət əldə edənlərin rütbəsi yüksəldilib.
Müdafiə Nazirliyinin mətbuat xidməti Turan-ın nazirlik aparatında bir sıra yüksək vəzifəli zabitlərin vəzifədən kənarlaşdırılması haqqında sualına belə ümumi ifadə ilə cavab verib.
Müdafiə Nazirliyinin mətbuat xidmətində hesab edirlər ki, aparılan kadr dəyişikliklərində hansısa “kriminal” axtarmağa dəyməz.
“2014-cü ilin yekunlarına görə Silahlı Qüvvələrdə aparılmış yoxlamalar zamanı nöqsanlara yol verənlərə xəbərdarlıq edilib. Bu cür tədbirlər müntəzəm olaraq həyata keçirilir, buna görə bunda qeyri-adi bir şey axtarmaq lazım deyil.
Mətbuat xidməti KİV-ə hərbi qulluqçuların vəzifədən kənarlaşdırılması və ya vəzifəyə təyin edilməsi haqqında məlumat yaymamağı tövsiyə edir”, deyə məlumatda bildirilir.
Xatırladaq ki, bu həftə qeyri-rəsmi mənbələrdən Azərbaycan Müdafiə Nazirliyinin ən az beş idarə və şöbə rəisinin işdən azad edildiyi məlum olub. -03B04-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz