Müdafiə Nazirliyi orduda mənəvi-psixoloji mühitin yaxşılaşdırılması üzərində işləyir
Hərbi hissələrdən birində Silahlı Qüvvələrdə mənəvi-psixoloji mühitin təmin edilməsi mövzusunda elmi-təcrübi konfrans keçirilib. Xəbəri Müdafiə Nazirliyinin mətbuat xidməti yayıb.
Tədbirdə Müdafiə Nazirliyinin müvafiq idarələrinin və xidmətlərinin rəhbərləri, hərbi birləşmə komandirləri və onların şəxsi heyətlə iş üzrə müavinləri iştirak ediblər.
Müdafiə nazirinin müavini general-leytenant Kərim Vəliyev məruzə ilə çıxış edib.
Tədbirdə hərbi hissələrdə sağlam mənəvi-psixoloji mühitin təmin edilməsi, vətənpərvərliyin aşılanması, mətbuatla işin qurulması və s. məsələlər müzakirə olunub. Konfransın yekunlarına görə qətnamə qəbul edilib. -16D-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz