Bakı/12.12.22/Turan: Dekabrın 12-də Bəxtiyar Hacıyevin həbsindən apellyasiya şikayəti verilib. Bu barədə Turan-a onun vəkili Aqıl Layic bildirib. O, bazar ertəsi Kürdəxanı qəsəbəsindəki 1 saylı təcridxanada fəalla görüşüb.
Vəkilin sözlərinə görə, Hacıyevin saxlanma şəraitindən və onunla rəftardan şikayəti yoxdur. O, irəli sürülən ittihamları qəti şəkildə rədd edir və hesab edir ki, “həbsdə əsl məqsəd onun beynəlxalq təşkilatlarla əlaqələrini məhdudlaşdırmaqdır”.
Bu arada, bazar ertəsi ölkənin ictimai-siyasi təşkilatlarının nümayəndələri Hacıyevin müdafiəsi komitəsini yaratmaq qərarına gəliblər. Onun tərkibi formalaşana qədər bu istiqamətdə işi hüquq müdafiəçisi Rüfət Səfərov əlaqələndirəcək.
Xatırladaq ki, dekabrın 9-da Bakının Xətai Rayon Məhkəməsi ictimai fəal Bəxtiyar Hacıyevi 1 ay 20 gün müddətinə həbs edib. Fəal xuliqanlıq və məhkəməyə hörmətsizlikdə ittiham olunur. Onu 3 ilədək həbs təhlükəsi gözləyir.—03B06-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz