Açiq mənbələrdən foto.
Bakı/19.12.22/Turan: "Müdafiə Xətti" hüquq-müdafiə təşkilatı dekabrın 23-də Bakının Fəvvarələr Meydanında Bəxtiyar Hacıyevin və digər siyasi məhbusların azad edilməsi tələbi ilə etiraz aksiyası keçirəcəyini bildirir. Bu barədə "Müdafiə Xətti" təşkilatının icraçı direktoru Rüfət Səfərov bildirib.
Onun sözlərinə görə, Azərbaycan hakimiyyəti repressiv siyasəti davam etdirir. Hökuməti tənqid edən şəxslərin saxta ittihamlarla həbsləri, onlaraq qarşı qeyri-insani rəftar, işgəncələr bu siyasətin tərkib hissəsidir. 2022-ci il partiya liderlərinin, jurnalistlərin, fəalların həbsləri ilə səciyyələnib.
Səfərov bildirib ki, aksiyanın 23 dekabr saat 15:00-da Fəvvarələr Meydanında keçirilməsi nəzərdə tutulub və Bakı Şəhər İcra Hakimiyyətinə müvafiq müraciət göndərilib.
Öz növbəsində, vəkil Aqil Layıc bu gün Hacıyev barəsində qətimkan tədbirinin dəyişdirilməsi və onun ev dustaqlığına keçirilməsi haqqında vəsatət verib. 16B06
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz