Ceyran Rəhbəri. Arxiv
Bakı/24.09.20/Turan: Siyəzən şəhər İnternet tipli gimnaziyasının müəlliməsi Ceyran Rəhbəri bu gün Təhsil Nazirliynin binası qarşısında etiraz aksiyası keçirib. O, gimnaziyada qanunsuzluqların hökm sürdüyünü bildirib. Onun sözlərinə görə, qanunsuzluqlar gimnaziyaya ötən ilin sonlarında yeni direktor təyin edildikdən sonra başlayıb.
Rəhbərinin sözlərinə görə, o, dərs yükünü müəllimlər arasında subyektiv qaydada bölür, saxta diplomu olan müəllimlərə daha çox saat verir.
Onun sözlərinə görə, direktor deyir ki, rayon polis şöbəsində və Təhsil Nazirliyində adamları var və ona heç kim heç nə edə bilməz.
“Direktor yataqxanada qalan şagirdlərin sayını gizlətmək məqsədi ilə müəllimlərə təzyiq edir ki, dərsə gəlməyən şagirdlər qeyd edilməsin. Mən isə yataqxanda olmayan şagirdləri qeyd edirəm. Bunun məsuliyyətini gözəl anlayıram. Çünki sabah bir hadisə baş versə, mən necə sübut edə bilərəm ki, həmin uşaq yataqxanada olmayıb?”, deyə Rəhbəri qeyd edib.
Rəhbəri direktorun göstərişlərinə əməl etmədiyinə görə təhdid və təhqirlərə məruz qaldığını deyib.
Məktəbdə 124 şagird və 60 əməkdaş var.
Rəhbərinin sözlərinə görə, gimnaziyada davamiyyət düzgün hesablanmır. Təhsil Nazirliyinin komissiyası gimnaziyaya baş çəkib və pozuntular aşkar edib, amma heç bir tədbir görülməyib.
Turan Agentliyinin Rəhbərinin şikayətləri ilə bağlı şərh üçün Təhsil Nazirliyinə göndərdiyi sorğu cavabsız qalıb. Sözügedən təhsil müəssisəsinin direktoru ilə əlaqə saxlamaq da mümkün olmayıb. -06D-
Arxiv:
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz