![Foto TURAN.](https://turan.az/resized/media/2020/main/081700029766-750-500-resize.webp)
Foto TURAN.
Müflis olmuş Bank Standart-ın əmanətçiləri AMB qarşısında etiraz aksiyası keçiriblər
Bakı/17.08.20/Turan: Müflis olmuş Bank Standart-ın əmanətçiləri bu gün Azərbaycan Mərkəzi Bankının (AMB) binası qarşısında etiraz aksiyası keçiriblər. Onlar itirdikləri vəsaitlərinin qaytarılmasını tələb ediblər.
Bu bank müflis olduğunu elan etdikdən sonra 10 min dollara qədər olan əmanətlər qaytarılıb.
İnsanlar bankın vəsaitinin böyük hissəsinin 153 iri müştəriyə girovsuz kredit formasında verilməsinə qəzəbləniblər. Bu 153 müştəri bankda olan bütün vəsaitin 80,3%-ni alıb.
“Bu, yüksək vəzifəli məmurlar və onların qohumlarıdır. Prezidentin köməkçisi Şahmar Mövsümovun qardaşına 100 mln. manat verilib. “Riyad” Ticarət Mərkəzinin sahibi İlqar Əliyev 25 mln. manat götürüb.
Niyə bank rəhbərliyindən və ya böyük miqdarda kreditləri alanlardan heç kim həbs edilməyib? Prokurorluğa müraciət etdikdə bizə deyirlər ki, sizin pulunuz hardan idi? Niyə prokurorluq girovsuz böyük kreditlər verənlərlə və bu pulları qaytarmayanlarla maraqlanmır?”, deyə aksiya iştirakçılarından biri bildirib.
Əmanətçilər Komitəsinin sədri Şahin Əhmədov bu ilin yanvar ayında Turan agentliyiyə bildirib ki, 10 mindən çox Azərbaycan vətəndaşı Bank Standart-dan pulunu ala bilməyib. Onlar arasında 30 min dollara qədər əmanət yatıranların sayı 400 nəfərdir.
Aksiya zamanı AMB-dən heç kim etirazçıların qarşısına çıxmayıb. Onlara Əmanətlərin Sığortalanması Fonduna getmək tövsiyə olunub.
Bank Standart - Azərbaycanın ən böyük maliyyə müəssisələrindən biri 2016-cı ilin oktyabrında müflis elan edilib. -030D-
-
- Maliyyə
- 17 Avqust 2020 15:31
-
- İqtisadiyyat
- 17 Avqust 2020 16:02
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz