Açiq mənbələrdən foto.
Bakı/26.08.21/Turan: Dövlət Tibbi Ekspertiza və Reabilitasiya Mərkəzinin önündə dörd Vətən müharibəsi qazisi jurmalistlərlə görüşüb. Onlar əlillik dərəcəsinin təyin olunmadığını bildiriblər.
Qazilər Orxan İmanov, Arif Hüseynov, Azim Nuriyev müharibədə kəllə-beyin və ayaq nahiyəsindən zədə alıb. Heç yerdən gəlirləri və müavinətləri yoxdur, ailə başçılarıdır. Onlar piyada hərəkət edə bilmir, Sumqayıta, Bakıya və digər yerlərə taksi ilə getməyə məcburdurlar.
Qazilər Dövlət Tibbi Ekspertiza və Reabilitasiya Mərkəzinin həkimlərini prezidentin vətən müharibəsi iştirakçılarına hörmət etmək tələbinə zidd cıxmaqda ittiham edirlər.
Əmək və Əhalinin Sosial Müdafiəsi Nazirliyi yanında Dövlət Tibbi Ekspertiza və Reabilitasiya Mərkəzinin mətbuat xidmətindən Tural Qurbanov jurmalislərə verdiyi izahatda deyib ki, mərkəzin həkimləri əlilliyi yerli tibb müəssisələrinin tərtib etdikləri 88 nömrəli forma əsasında təyin edir.
“Vətəndaşlarla Mərkəzin işçiləri ünsiyyətdə olmur. Əlillik Nazirlər Kabinetin 2015-ci il 30 dekabr tarixli əsasnaməsinə uyğun təyin olunur. Əvvəl tətbiq edilən normalardan fərqli olaraq, yeni qaydalarda bəzi xəstəlik və qüsurlar əlillik dərəcələrinə daxil deyil”, deyə o qeyd edib.
Qurbanov vətəndaşlara əvvəl yaşadıqları yerdə tibbi müəssisədə komissiyadan keçməyi, sonra Mərkəzə müraciət etməyi tövsiyə edib.
Qeyd edək ki, 2015-ci ildə əlillik dərəcələrinin yeni meyarları qəbul edilsə də, əvvəlki meyarlar 2016-cı ildən 5 il müddətinə uzadılıb. 2021-ci ildə yeni meyarlar qüvvəyə mindiyi ücün xəstələrin işlərinə yenidən baxılır və minlərcə saxta əlillik dərəcəsi alanlara və yeni normativlərə uyğun olmayan vətəndaşlara dövlət yardımının verilməsi kəsilib.
Əmək və Əhalinin Sosial Müdafiəsi Nazirliyində avqustun 18-də keçirilən brifinqdə Nazirliyin Əlillik Siyasəti Şöbəsinin müdiri Sabir Qocayev bildirib ki, qanuna edilmiş dəyişikliklər əlilliyin müəyyən edilməsinin ənənəvi 3 dərəcə əsasında deyil, daha geniş spektrdə olmaqla, yeni meyarlarla, orqanizmin funksiyalarının itirilməsi faizi əsasında həyata keçirilməsini nəzərdə tutur.
Bildirilib ki, qanunvericilikdə “əlilliyinin səbəbi, dərəcəsi” sözləri “orqanizmin funksiyalarının pozulması faizi, səbəbi” sözləri ilə, “I dərəcə əlilliyi olan” sözləri “orqanizmin funksiyalarının 81-100 faiz pozulmasına görə əlilliyi müəyyən edilmiş” sözləri ilə, “II dərəcə əlilliyi olan” sözləri “orqanizmin funksiyalarının 61-80 faiz pozulmasına görə əlilliyi müəyyən edilmiş” sözləri ilə və “III dərəcə əlilliyi olan” sözləri “orqanizmin funksiyalarının 31-60 faiz pozulmasına görə əlilliyi müəyyən edilmiş” sözləri ilə əvəz edilib. -0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz