активист партии «Мусават» Азад Гасанов
Bakı/11.03.19/ Turan: Martın 11-də Bakı Ağır Cinayətlər Məhkəməsində Müsavat Partiyasının fəalı Azad Həsənovun işi üzrə məhkəmə prosesi davam edib.
İclasda dövlət ittihamçısı Pərviz Rzayev A.Həsənovun CM-in 234.4.3-cü maddəsi (külli miqdarda narkotik maddənin qanunsuz dövriyyəsi) ilə ittiham olunduğunu bildirib.
Sonra A.Həsənov çıxış edib. O bildirib ki, 2014-cü ildə ailəsi ilə birlikdə Azərbaycanı tərk edib və Vilnüsdə yaşayıb. 2018-ci ilin oktyabrında ağır vəzyyətdə olan atasını görmək üçün təcili Bakıya gəlib.
Oktyabrın 11-də evə gəlib. Sonra xəstə dayısına baş çəkib. Oradan məsçidə günorta namazına gedib, namazdan sonra anasının qəbrini ziyarət edib.
Saat 16:00-da Hövsan qəsəbəsində evin yaxınlığında onu saxlayaraq Bakı Şəhər Baş Polis İdarəsinə aparıblar. Orada üzərinə narkotik maddə qoyublar.
A.Həsənov deyib ki, polisdə təzyiq altında etirafedici ifadə verib.
Sonra A. Həsənovun saxlanması əməliyyatına rəhbərlik etmiş polis əməkdaşı Elvin Kazımovun ifadəsi dinlənilib. Ancaq müttəhimin sözlərinə görə, əməliyyata E. Kazımov rəhbərlik etməyib.
Proses martın 18-də davam edəcək.
Hüquq müdafiəçiləri A.Həsənovu "vicdan məhbusu" kimi tanıyıblar.03D06--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz