Bakı/19.01.19/Turan: Müsavat Partiyasının qərargah-mənzilində "Mehman Hüseynova və bütün digər siyasi məhbuslara azadlıq" tələbi ilə aclıq aksiyası davam edir.
Aksiyanın iştirakçısı, araşdırmaçı jurnalist Xədicə İsmayılovanın Turan-ın müxbirinə verdiyi məlumata görə, ondan başqa 4 nəfər - fəal Aygül Cəfərova, Zəfər Əhmədov (siyasi məhbus Fuad Əhmədlinin atası), Rafiq Baxışov (siyasi məhbus Orxan Baxışlının atası) aksiyanı davam etdirir, həmçinin, AXCP fəalı Rövşən Niftalızadəni əvəz edərək, aksiyaya qoşulub.
Füzuli Hüseynov siyasi məhbuslara azadlıq tələbi ilə təkbaşına piketlər keçirməsi ilə məşhurdur. Bu ilin yayında o, buna görə inzibati qaydada həbs edilib. Etiraz əlaməti olaraq, o, təcridxanada 8 gün aclıq edib.
Bu gün 25 nömrəli poliklinikanın həkimləri aksiya iştirakçılarını müayinə edib. İsmayılovanın sözlərinə görə, aksiyaya yanvarın 15-də qoşulmuş iştirakçıların səhhətində hələlik ağırlaşma halları yoxdur. Amma qan təzyiqinin düşməsi müşahidə olunur.
Xatırladaq ki, aksiya dekabrın 26-da ona qarşı yeni cəzaçəkmə müəssisəsi əməkdaşını döymə ittihamının irəli sürülməsinə etiraz olaraq aclıq elan etmiş bloger Mehman Hüseynovla həmrəylik əlaməti olaraq keçirilir. -06D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz