Bakı/19.01.19/Turan: Saat 15-də "Məhsul" stadionunda müxalifətin Demokratik Qüvvələrin Milli Şurası tərəfindən təşkil edilmiş mitinqi başlayıb.
Bloger Mehman Hüseynovun və bütün digər siyasi məhbusların azad edilməsi tələbi ilə keçirilən etiraz aksiyasında Xalq Cəbhəsi, Müsavat, REAL partiyaları və ADR Hərəkətinin fəalları iştirak edir.
Turan-ın müxbirinin hadisə yerindən verdiyi məlumata görə, polis gücləndirilmiş təhlükəsizlik tədbirləri görür və mitinqə gələnləri üç dəstə yoxlayır. Həmişə olduğu kimi, hakimiyyət sosial şəbəkələrə birbaşa yayına yol verməmək üçün mitinqin keçirildiyi yerdə internetə girişi bloklayır. -02B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz