![azadliq.info](https://turan.az/resized/media/2019/main/011900016260-750-500-resize.webp)
azadliq.info
Müxalifət mitinqinin iştirakçıları siyasi məhbusların azadlığa buraxılmasını tələb ediblər
Bakı/19.01.19/Turan: "Məhsul" stadionunda müxalifətin çoxminlik mitinqi aksiyanın qətnaməsi ilə başa çatıb. Qətnamədə hakimiyyətdən bloger Mehman Hüseynovun və digər siyasi məhbusların azad edilməsi, həmçinin onlara dəstək olaraq aksiyda iştiraka görə saxlanılan şəxslərin buraxılması tələb olunur. Bundan əlavə, korrupsiya yolu ilə offşorlara ötürülən vəsaitlərin ölkəyə qaytarılması tələb edilir. "Beynəlxalq qurumlarda Qarabağın azadlığına necə nail olmaq barədə düşünməyin lazım gəldiyi bir vaxtda Avropa Parlamenti Azərbaycanda insan hüquqları məsələsini müzakirə edir. Və bunda ölkəni Afrika banan respublikalarına çevirən hakimiyyət günahkardır", - Müsavat Partiyası İdarə Heyətinin üzvü Tofiq Yaqublu bildirib
REAL Partiyasının lideri İlqar Məmmədovun fikrincə, hakimiyyət ölkənin problemlərini həll etmək əvəzinə "gənclər ilə- Mehman Hüseynov və digər fəallarla prinsip aparır".
AXCP lideri Əli Kərimli hakimiyyəti korrupsiyada və despotizmdə ittiham edib. "Bu gün buraya 20 min adam toplaşıb ki, dinastiya rejimindən qurtulmaq üçün öz istəyini ifadə etsin. Bizim hərəkat bu rejimi tarixin arxivlərinə göndərməklə başa çatacaq", - Ə.Kərimli vurğulayıb.
Mitinq emosional gərgin vəziyyətdə keçib. Aksiya iştirakçıları vaxtaşırı "Mehman!", "Azadlıq!", "İstefa!" şüarlarını səsləndiriblər.
Bakı polisinin məlumatına görə, aksiyada 2800 nəfər iştirak edib.--0--
-
- Siyasət
- 19 Yanvar 2019 15:05
-
- Foto sessiyalar
- 19 Yanvar 2019 21:32
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz